365.95
Մեքսիկայում 5 մարդ Է զոհվել, 20-ից ավելին՝ վիրավորվել երկաթուղային վթարի հետեւանքով
1 րոպեի ընթերցում
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Մեքսիկայում առնվազն 5 մարդ Է զոհվել, 20-ից ավելին՝ ծանր վիրավորվել երկաթուղային վթարի հետեւանքով, որը տեղի Է ունեցել Տաբասկո հարավարեւելյան նահանգի տարածքում, հաղորդում Է «Արմենպրես»-ը՝ հղում անելով ԻՏԱՌ-ՏԱՍՍ-ին: Ապրանքատար գնացքը, որի վագոնների տանիքին տեղ Էին զբաղեցրել շուրջ 300 անօրինական ներգաղթյալներ Կենտրոնական Ամերիկայի երկրներից, ռելսերից դուրս Է ընկել Ուիմանգիլիո մունիցիպիայում երկաթուղու բարդ հատվածներից մեկում:
Աղետից տուժածներին, որոնց մեծ մասը Հոնդուրասի քաղաքացիներ են, տեղափոխել են հիվանդանոց: Նրանցից մի քանիսը ծանր վիճակում են:
Դժվարամատչելի շրջանում, որտեղ տեղի Է ունեցել ողբերգական միջադեպը, փրկարարական աշխատանքները դեռեւս ավարտված չեն, ուստի մեքսիկացի փրկարարները չեն բացառում, որ զոհերի թիվը կարող Է ավելանալ:
Մեքսիկայի գլխավոր դատախազությունը հետաքննություն Է սկսել արտակարգ պատահարի հանգամանքների շուրջ:
Առայժմ վթարի հնարավոր պատճառների վարկածներ չեն առաջադրվել:
Բաժանորդագրվեք մեր ալիքին Telegram-ում