1 րոպեի ընթերցում
ԵՐԵՎԱՆ, 11 ՀՈՒՆԻՍԻ, ԱՐՄԵՆՊՐԵՍ: Դորտմունդի «Բորուսիա»-ն իր ֆեյսբուքյան պաշտոնական էջի միջոցով ողջունել և շնորհակալություն է հայտնել հայ երկրպագուներին` դորտմուդյան թիմին աջակցելու համար:
«Արմենպրես»-ի փոխանցմամբ` «Բորուսիա»-ի հաղորդագրության մեջ մասնավորապես նշված է. «Ողջունում ենք մեր հայաստանյան երկրպագուներին: Հազարավոր մարդիկ Հայաստանից երեկ հետևում էին մեր խաղի ուղիղ հեռարձակմանը և հնարավորություն ունեցան տեսնելու իրենց հայրենակից Հենրիխ Մխիթարյանի գոլն ու գոլային փոխանցումը: Անչափ շնորհակալ ենք ձեզնից»:
«Բազել»-ի հետ խաղում Մխիթարյանն իր փառահեղ նորամուտը նշեց «Բորուսիա»-ի կազմում, որի կնքել է չորսամյա պայմանագիր:
Ի դեպ, «Բորուսիա»-ի ֆեյսբուքյան էջում այսօր հայտնվել է Հենրիխ Մխիթարյանի` հեծանիվով լուսանկարը: