1 րոպեի ընթերցում
ԵՐԵՎԱՆ, 12 ՀՈՒՆԻՍԻ, ԱՐՄԵՆՊՐԵՍ: Հայտնի երգչուհի Անի Քրիստին նոր տեսահոլովակ է նկարահանում: Ինչպես «Արմենպրես»-ի հետ զրույցում նշեց երգչուհին, նկարահանումներն ընթանում են Միացյալ Նահանգներում: Երգը նոր է, երաժշտության հեղինակն Արսեն Գրիգորյանն է, խոսքերինը` Անիտա Հախվերդյանը: «Այս տարի լրանում է իմ ստեղծագործական գործունեության 15 տարին: Այս տարին տարբերվելու է մյուսներից: Անելիքներ շատ ունեմ: Սպասեք անակնկալների»,-ասաց Անի Քրիստին:
Երգչուհին վերջին շրջանում բնակվում է ԱՄՆ-ում՝ Լոս Անջելեսում: Այնտեղ նա մասնագիտական լուրջ գործունեություն է ծավալում, շարունակում է երաժշտական կրթությունը:Անի Քրիստին ապրիլին Հայաստանում էր: Նա հայրենիքում նոր գաղափարներով է լցվել ու դրանք իրագործելու պատրաստակամությամբ: