Թբիլիսիի կենտրոնում հոգեւորականներ ու հազարավոր քաղաքացիներ ձախողել են գեյ-շքերթը. ԲԱՑԱՌԻԿ ՖՈՏՈՇԱՐՔ

ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: Թբիլիսիի կենտրոնում սեռական փոքրամասնությունների իրավունքների պաշտպանության ակցիայի` գեյ-շքերթի տասնյակ հազարավոր հակառակորդներ ճեղքել են ոստիկանության շղթան՝ ծեծի ենթարկելով միջոցառման մասնակիցներին: Ինչպես հաղորդում է «Արմենպրես»-ը` վկայակոչելով civil.ge-ն, վրաց եկեղեցու հոգեւոր այրերն ու սեռական փոքրամասնությունների իրավունքների պաշտպանների հակառակորդները շղթայել են շքերթի մասնակիցներին, որից հետո ոստիկանությունը հատուկ մեքենաներով ստիպված է եղել տարհանել փոքրամասնության ներկայացուցիչներին:

Թբիլիսիի Ռուսթավելիի պողոտայում եւ Ազատության հրապարակում, մայիսի 17-ին սեռական փոքրամասնությունների իրավունքների կողմնակիցների եւ նրանց հակառակորդների միջեւ տեղի ունեցած բախումների հետեւանքով տուժել Է 17 մարդ, այդ թվում՝ լրագրողներ:

»