2 րոպեի ընթերցում
ԵՐԵՎԱՆ, 7 ՄԱՅԻՍԻ, ԱՐՄԵՆՊՐԵՍ: «Եվրատեսիլ 2013»-ում Հայաստանը ներկայացնող «Դորիանս» ռոք խումը եւ հայաստանյան պատվիրակությունը մայիսի 7-ի վաղ առավոտյան մեկնել է երգի միջազգային մրցույթը հյուրընկալող երկիր Շվեդիա: «Արմենպրես»-ի հետ զրույցում խմբի մամուլի քարտուղար Դինա Հովհաննիսյանը նշեց, որ առաջիկա օրերին նախանշված առաջին մեծ միջոցառումը մայիսի 10-ին Դանիայի մայրաքաղաք Կոպենհագենի ամենամեծAmgerbioհամերգասրահում «Դորիանս»-ի համերգն է, որին կմասնակցի նաեւ «Եվրատեսիլ 2013»-իՌուսաստանի ներկայացուցիչ Դինա Գարիպովան:
«Եվրատեսիլ 2013» մրցույթը տեղի կունենա մայիսի 14-18-ը Շվեդիայի Մալմյո քաղաքում: «Մենք մեկ ենք» կարգախոսի ներքո անցկացվող մրցույթին այս տարի կմասնակցի 39 երկիր: Հայաստանը կներկայանա 2-րդ կիսաեզրափակչում մայիսի 16-ին:«Դորիանս»-ը Հայաստանը կներկայացնի «Եվրատեսիլ 2013» երգի միջազգային մրցույթին` կատարելով Lonley planet երգը:
Lonley planet երգը հեղինակել է Black Sabbath անգլիական ռոք խմբի լեգենդար կիթառահարի Թոնի Այոմին: Խոսքերի հեղինակը Վարդան Զադոյանն է:
Մայիսի 5-ին խումբը հանրության դատին է ներկայացրել Lonley planet երգի ռեմիքս տարբերակը, որի հեղինակն է խմբի անդամ Արման Փահլեւանյանը:
Մրցույթի հայաստանյան պատվիրակությունը Երեւան կվերադառնա մայիսի 20-ին: