1 րոպեի ընթերցում
ԵՐԵՎԱՆ, 4 ՄԱՅԻՍԻ, ԱՐՄԵՆՊՐԵՍ:Հարավկորեացի երգիչPSY-ը ելույթ կունենաՄոսկվայում կայանալիք МУЗ-ТВ2013 մրցանակաբաշխությանը։ Ինչպես հաղորդում է«Արմենպրես»-ը՝ վկայակոչելով ռուսական «ԻՏԱՌ-ՏԱՍՍ»-ը, այդ մասին հայտարարել են երգչի ներկայացուցիչները՝ նշելով, որ նա կայցելի Մոսկվա իր շրջագայության շրջանակներում, որը նվիրված է լինելու երգչի նոր՝ «Ջենտլմեն» սինգլին։
Հեղինակի նոր երգը ներկայացվել է ապրիլի 13-ին՝ հաշված ժամերի ընթացքում հավաքելով ավելի քան 10 միլիոն դիտում։ Ավելի վաղPSY-ը դարձել էր Հարավային Կորեայի տուրիզմի ազգայինկենտրոնի անդամ և նկարահանվել էր վեց գովազդային հոլովակներում, որոնք նվիրված էին երկրում զբոսաշրջության ակտիվացմանը։ Հոլովակները կցուցադրվեն աշխարհի 70 երկրներում։
МУЗ-ТВ մրցանակաբաշխությունն անցկացվում է յուրաքանչյուր տարի Մոսկվայում։ Այս տարի մրցանակաբաշխությունը տեղի կունենա հունիսի 7-ին։