2 րոպեի ընթերցում
ԵՐԵՎԱՆ, 24 ԱՊՐԻԼԻ, ԱՐՄԵՆՊՐԵՍ: «Ռեալիթի շոու»-ի գերաստղՔիմ Քարդաշյանըկոչ է արել միավորվել եւ հիշել Հայոց ցեղասպանության զոհերին: «Արմենպրես»-ի հաղորդմամբ` Twitter-ի իր էջում Քիմ Քարդաշյանը գրել է.«Այսօր եկեք բոլորս միավորվենք և հիշենք այն 1,5 միլիոն մարդկանց, ովքեր զոհ գնացին Հայոց ցեղասպանությանը:1915-ի ապրիլի 24-ը երբեք չի մոռացվի»:
1915 թվականին հայերի նկատմամբ իրականացված ոճրագործությունը 20-րդ դարի առաջին ցեղասպանությունն էր: Ամեն ինչ նախապատրաստվել եւ սկսվել էր դեռեւս տարիներ առաջ:Օսմանյան կառավարության կողմից իրականացված Հայոց ցեղասպանության փաստը հիմնավորվել է, ճանաչվել ու հաստատվել ականատեսների վկայություններով, օրեքներով, բանաձեւերով եւ բազմաթիվ նահանգների ու միջազգային կազմակերպությունների որոշումներով:
Հայոց ցեղասպանությունը ճանաչել են 20-ից ավելի պետություններ. առաջինը պաշտոնապես ընդունել է Ուրուգվայը` 1965 թ-ին: Հայ ժողովրդի կոտորածը պաշտոնապես քննադատել եւ ճանաչել են որպես ցեղասպանություն` ըստ միջազգային իրավունքի, հետեւյալ երկրները` Ֆրանսիա, Գերմանիա, Իտալիա, Բելգիա, Նիդեռլանդներ, Շվեյցարիա, Շվեդիա, Ռուսաստան, Լեհաստան, Լիտվա, Հունաստան, Սլովակիա, Կիպրոս, Լիբանան, Արգենտինա (2 օրենք, 5 բանաձեւ), Վենեսուելա, Չիլի, Կանադա, Վատիկան, Ավստրալիա: