Երևանյան բեսթսելլեր 7. Ժամանակակից հայ մանկագիր Սուրեն Մուրադյանի բանաստեղծությունների ժողովածուն շաբաթվա ամենաշատ գնված գիրքն է

ԵՐԵՎԱՆ, 1 ՄԱՐՏԻ, ԱՐՄԵՆՊՐԵՍ: «Արմենպրես» լրատվական գործակալության «Երևանյան բեսթսելլեր» հեղինակային նախագծում առաջատարն այս շաբաթ ժամանակակից մանկագիր Սուրեն Մուրադյանն է: Նրա «Գրքի թևով, հազար ձևով» բանաստեղծությունների ժողովածուն ամենաշատ վաճառված գիրքն է, ինչն առաջին անգամն է տեղ գտել վարկանիշային աղյուսակում: Երկրորդ հորիզոնականում «Երևանյան բեսթսելլեր»-ում մշտապես ընդգրկված Գրիգոր Նարեկացու «Մատյան ողբերգության» պոեմն է: Հովհաննես Թումանյանի հեքիաթները, որը զբաղեցնում է երրորդ հորիզոնականը, կրկին ամեն շաբաթ ներառված է եղել «Արմենպրես»-ի վարկանիշային աղյուսակում` պարբերաբար լինելով առաջինը: Ամերիկացի հայտնի գրող Ռիչարդ Բախի «Ջոնաթան Լիվինգսթոն անունով ճայը» գիրքը, շարունակելով հետաքրքրել հայ ընթերցողին, կրկին գործակալության ներկայացրած վարկանիշային աղյուսակում է: Այս անգամ այն զբաղեցնում է չորրորդ հորիզոնականը: Ջորջ Օրուելի արգելված գրքերից «1984»-ն այս անգամ հինգերորդ հորիզոնականում է` բարելավելով իր դիրքերը հինգ հորիզոնականոց: Վեցերորդ տեղն զբաղեցրել է ժամանակակից հայ գրող Հովիկ Հովեյանի «Հիշողության կավ» գիրքը, որն առաջին անգամն է ներառված ամենաշատ գնված գրքերի ցանկում: Կոլումբիացի գրող Գաբրիել Գարսիա Մարկեսն այս անգամ վարկանիշային աղյուսակում հայտնվել էր այլ ստեղծագործություններով: Յոթերորդ հորիզոնականում այս անգամ «Հարյուր տարվա մենություն» և «Նահապետի աշունը» գեղարվեստական գործերն են: Սրանց հաջորդում են փոքրիկներին մշտապես հետքարքրող հայ ժողովրդական հեքիաթները: Իններորդ հորիզոնականում ժամանակակից հայ գրող Աշոտ Աղաբաբյանի «Մենակը» վեպն է: Այն նախորդ շաբաթ եղել է առաջին հորիզոնականում: Վարկանիշային աղյուսակը եզրափակում է Համբարձում Գալստյանի` Արցախյան ազատամարտի 25-ամյակին նվիրված «Չուղարկված նամակներ» հուշագրությունը:

«Երևանյան բեսթսելլեր»-ը հրապարակվում է նաև «Գրական թերթ» շաբաթաթերթում:

Ամենաշատ գնված հայերեն գեղարվեստական գրքերի ցանկը պատրաստվել է երևանյան յոթ գրախանութների հետ համագործակցության արդյունքում: Հարցումներին մասնակցել են «Նոր գիրք» (093-60-40-64), «Նոյան տապան» (56-81-84), «Հայ Գիրք» («Մեկ պրինտ») (58-30-59), «Բյուրոկրատ» (50-01-52), «Բուքինիստ» (53-74-13), «Արտ Բրիջ» (58-12-84) և «Զանգակ» (23-25-28) գրախանութները: Հարցման ընթացքում հաշվի չեն առնվել մասնագիտական, տեղեկատվական ու ուսումնական բնույթի գրքերն ու դասագրքերը: «Արմենպրես»-ն ընդլայնելու է հարցումների ցանցը` ներառելով նոր գրախանութներ, տվյալներն առավել համակողմանի ու հետաքրքական դարձնելու նպատակով:

Տեղ	Փոփ.	Գիրք		Հրատ.	Քանակ
1	Նոր		ՍուրենՄուրադյան «Գրքիթևով,հազարձևով»	Ծիծեռնակ	31
2	+1		ԳրիգորՆարեկացի «Մատյանողբերգության»	Նաիրի	26
3	-1		ՀովհաննեսԹումանյան «Հեքիաթներ»	Արևիկ	22
4	+2		ՌիչարդԲախի «ՋոնաթանԼիվինգսթոն անունովճայը»	Հայաստան	18
5	+5		Ջորջ Օրուել «1984»	Անտարես	6
6	Նոր		ՀովիկՀովեյան«Հիշողությանկավ»	Գասպրինտ	13
7	Նոր		ԳաբրիելԳարսիաՄարկես «Հարյուրտարվամենություն» «Նահապետի Աշունը»	Նորք	10
8	0		Հայ ժողովրդական հեքիաթներ	Արևիկ	8
9	-8		ԱշոտԱղաբաբյան «Մենակը»	Լուսակն	7
10	-2		Համբարձում Գալստյան «Չուղարկված նամակներ»	Գասպրինտ	6

«Երևանյան բեսթսելլեր»-ը կազմեց Ռուզաննա Մովսիսյանը