368.18
Գերմանիայի ֆերմաներից մեկում բռնկած հրդեհի զոհ Է դարձել ավելի քան 80 ուղտ
1 րոպեի ընթերցում
ԵՐԵՎԱՆ, 31 ՀՈՒՆՎԱՐԻ, ԱՐՄԵՆՊՐԵՍ: Գերմանիայի հարավի մասնավոր կենդանաբանական այգում եւ «Ուղտերի ագարակ» ֆերմայում հունվարի լույս 31-ի գիշերը բռնկած հրդեհի զոհ Է դարձել 86 ուղտ, հաղորդում Է «Արմենպրես»-ը՝ հղում անելով ֆերմայի կայքին: Կենդանաբանական այգու ամբողջ «բնակչությունից» միայն չորս ուղտ Է ողջ մնացել, կենդանիներին օգտագործում Էին նաեւ բուժական նպատակներով՝ սահմանափակ հնարավորություններով երեխաներին եւ մարդկանց օգնելու համար:
«Անցած գիշեր «Ուղտերի ագարակն» այրվել Է: Կենդանիների մեծ մասը սատկել Է»,- ասված Է ֆերմայի կայքում:
Ֆերման գտնվում Է Էբհաուզեն կոմունայում (Բադեն Վյուրտեմբերգի ֆեդերալ երկրամաս)՝ Շվարցվալդ անտառային զանգվածի հյուսիսում, եւ ծառայում Էր որպես հանգստի, ժամանցի եւ պետ-թերապիայի (հիվանդների բուժում կենդանիների օգնությամբ) վայր: Հիմնականում տարածքում պահում Էին դրոմադերներ (միասապատ ուղտեր) եւ երկսապատ ուղտեր՝ բակտրիաններ:
Ֆերմայում հրդեհը մարել են շուրջ 100 փրկարարներ, հրդեհի պատճառներն անհայտ են: Ֆերմայի տերն ու նրա ընտանիքը ցնցահար վիճակում են, նրանց օգնություն են ցույց տալիս հոգեբանները:
Բաժանորդագրվեք մեր ալիքին Telegram-ում