368.08
«Մուսուլմանների անմեղությունը» ֆիլմն ընդգրկվել է Ռուսաստանի էքստրեմալ ցուցակում
1 րոպեի ընթերցում
ԵՐԵՎԱՆ, 26 ԴԵԿՏԵՄԲԵՐԻ, ԱՐՄԵՆՊՐԵՍ: «Մուսուլմանների անմեղությունը» հակաիսլամական ֆիլմն ընդրկգվել է Ռուսաստանի էքստրեմալ նյութերի ցուցակում: Ինչպես հաղորդում է «Արմենպրես»-ը` վկայակոչելով արաբական լրատվամիջոցները, որոշումը դեկտեմբերի 26-ին ընդունել է Ռուսաստանի արդարադատության նախարարությունը: Էքստրեմալ ցանկի նյութերը պաշտոնապես արգելվում են երկրում:
Դեռ նոյեմբերին Ռուսաստանի գլխավոր դատախազությունը դատարան էր ուղարկել հայց ֆիլմն արգելելու վերաբերյալ: Շատերի կարծիքով ֆիլմը վիրավորում է հավատացյալների կրոնական զգացմունքները: Ավելի ուշ ֆիլմը էքստրեմալ է համարվել Տվերի դատարանում:
«Մուսուլմանների անմեղությունը» ֆիլմը սեպտեմբերին մեծ աղմուկ էր բարձրացրել աշխարհի տարբեր երկրներում հատկապես իսլամական երկրներում: Իսլամիստները հարձակվել էին ԱՄՆ-ի, ինչպես նաեւ եվրոպական մի քանի երկրների դեսպանատների վրա:
Բաժանորդագրվեք մեր ալիքին Telegram-ում