1 րոպեի ընթերցում
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: Ֆինանսական խնդիրների պատճառով մի քանի երկրներ հրաժարվել են «Եվրատեսիլ» հեղնիակավոր երգի մրցույթին իրենց մասնակցության իրավունքից: Ինչպես տեղեկացնում է «Արմենպրես»-ը` վկայակոչելով MIGnews-ը, Բոսնիա եւ Հերցեգովինան, Չեխիան, Լեհաստանը, Պորտուգալիան, Լիխտենշտեյնը, Լյուքսեմբուրգը եւ Սլովակիան չեն մասնակցի հերթական մրցույթին: Նույն խնդիրների պատճառով մրցույթին մասնակցելուց պատրաստվում են հրաժարվել Կիպրոսը եւ Հունաստանը:
Թուրքիան եւս բոյկոտել է մրցույթը, սակայն այս դեպքում պատճառը ֆինանսական խնդիրները չեն: Անկարան դժգոհ է ժյուրիի հետ համակցված քվեարկության վրա հեռուստադիտողների ազդեցության նվազման հանգամանքից: Թուրքերը դժգոհ են նաեւ այն փաստից, որ մրցույթի հիմնադիր եւ գլխավոր հովանավոր երկրները՝ Գերմանիան, Ֆրանսիան, Մեծ Բրիտանիան, Իտալիան եւ Իսպանիան, միանգամից եզրափակիչ փուլում են հայտնվում:
«Եվրատեսիլ 2013»-ը կկայանա Շվեդիայի Մալմե քաղաքում: