368.59
Վիկտոր Սողոմոնյանը հավանական չի համարում Ռոբերտ Քոչարյանի մասնակցությունը նախագահական ընտրություններին
1 րոպեի ընթերցում
ԵՐԵՎԱՆ, 13 ԴԵԿՏԵՄԲԵՐԻ, ԱՐՄԵՆՊՐԵՍ: ՀՀ երկրորդ նախագահի գրասենյակի ղեկավար Վիկտոր Սողոմոնյանը հավանական չի համարում Ռոբերտ Քոչարյանի մասնակցությունը 2013 թվականի նախագահական ընտրություններին: «Արմենպրես»-ի փոխանցմամբ` այդ մասին Վիկտոր Սողոմոնյանն ասել է «Մեդիամաքս»-ի հետ զրույցում:«Երկրորդ նախագահից երբեք չեմ լսել առաջադրվելու իր ցանկության մասին: Ավելին, մի քանի անգամ նա հակառակն է ասել: Չեմ կարծում, որ նա կմասնակցի այս նախագահական ընտրություններին: Սակայն Ռոբերտ Քոչարյանն անպայման կտա իր գնահատականները ընթացիկ քաղաքական իրավիճակի վերաբերյալ արդեն մոտ ապագայում. նա ծրագրել էր արձագանքել առաջարկներից մեկին եւ փոքր հարցազրույց տալ», - ասել է գրասենյակի ղեկավարը:
Վիկտոր Սողոմոնյանը հերքել է Ռոբերտ Քոչարյանի եւ ՌԴ նախագահ Վլադիմիր Պուտինի սպասվող հանդիպման մասին լուրերը: «Ռոբերտ Քոչարյանն իրոք Մոսկվայում է, սակայն միայն ԱՖԿ «Սիստեմա»-ի տնօրենների խորհրդի նիստին մասնակցելու նպատակով: Վլադիմիր Պուտինի հետ հանդիպում ծրագրված չէ», - ասել է նա:
Բաժանորդագրվեք մեր ալիքին Telegram-ում