1 րոպեի ընթերցում
ԵՐԵՎԱՆ, 10 ԴԵԿՏԵՄԲԵՐԻ, ԱՐՄԵՆՊՐԵՍ: Ֆրանսիացի հանրահայտ դերասան Ժերար Դեպարդիեն պաշտոնապես բնակություն Է հաստատել Բելգիայում, որն ունեւոր ֆրանսիացիների շրջանում ճանաչված Է որպես հարկային ապաստարան: Այդ մասին, ինչպես տեղեկացնում Է «Արմենպրես»-ը, դեկտեմբերի 10-ին հաղորդել են բելգիական ԶԼՄ-ները:
Դերասանն ինքը ավելի վաղ հաստատել Է, որ տուն Է գնել Ֆրանսիայի հետ սահմանակից բելգիական Էնո նահանգի Նեշեն բնակավայրում, որտեղ սեփականություն ունեն ֆրանսիացի միլիարդատերերից շատերը:
Ֆրանսիայում նախագահական ընտրարշավի թեժ շրջանում սոցիալիստների առաջնորդ Ֆրանսուա Օլանդը բյուջեի դեֆիցիտը հաղթահարելու նպատակով առաջարկել Էր 2013 թվականից մինչեւ 75 տոկոս բարձրացնել այն քաղաքացիների եկամտահարկի դրույքաչափը, ովքեր տարեկան վաստակում են ավելի քան 1 մլն եվրո: Օլանդի նախագիծն ունեւոր մարդկանց ընդգրկուն արտահոսք հրահրեց Ֆրանսիայից, որոնք այսուհետեւ նախընտրում են բնակվել Նյու Յորքում, Լոնդոնում կամ Բրյուսելում: