Լեդի Գագան աճուրդում գնել է Մայքլ Ջեքսոնին պատկանած 55 իր, որոնցից բաճկոնը` 240 հազար դոլարով
1 րոպեի ընթերցում
ԵՐԵՎԱՆ, 5 ԴԵԿՏԵՄԲԵՐԻ, ԱՐՄԵՆՊՐԵՍ: Ամերիկացի երգչուհի Լեդի Գագան աճուրդի ժամանակ գնել է Մայքլ Ջեքսոնին պատկանած 55 անձնական իր: Ինչպես հաղորդում է «Արմենպրես»-ը` վկայակոչելով ռուսական լրատվամիջոցները, Twitter-ի իր էջում նա նշել է, որ բոլոր իրերը կպահպանվեն ի հիշատակ Մայքլ Ջեքսոնի:
Բեւերլի-Հիլզի աճուրդին ներկայացվել են Ջեքսոնին պատկանող 465 կոստյումներ եւ այլ բեմական աքսեսուրաներ, որոնք նա օգտագործելէ համերգների ժամանակ: Հավաքվել է ավելի քան 5 միլիոն դոլար:
Հայտնի է, որ երգչուհին գնել է Ջեքսոնի կաշվե բաճկոնը 240 հազար դոլարով:
Նրա սպիտակ ձեռնոցները վաճառվել են յուրաքանչյուրը 100 հազար դոլարով: