1 րոպեի ընթերցում
ԵՐԵՎԱՆ, 28 ՆՈՅԵՄԲԵՐԻ, ԱՐՄԵՆՊՐԵՍ: Հոլիվուդյան հայտնի աստղային զույգը` Բրեդ Փիթը եւ Անժելինա Ջոլին մտադիր են օրինականացնել իրենց հարաբերությունները: Վերջերս Բրեդ Փիթը Նյու Յորքում լրագրողներին տված հարցազրույցի ժամանակ նշել է, որ մոտ ապագայում տեղի կունենա իրանց հարսանիքը:
Ինչպես հաղորդում է «Արմենպրես»-ը` վկայակոչելով ռուսական լրատվամիջոցները, Փիթը նշել է, որ Ջոլիի հետ պաշտոնական ամուսնությանը դրդում են իրենց երեխաները: Բացի դրանից, դերասանը եւս այն կարծիքին է, որ արդեն ամուսնանալ ժամանակն է:
Հատկանշական է, որ զույգը միասին ապրում է արդեն յոթ տարի եւ դաստիարակում են վեց երեխաների, որոնցից երեքը որդեգիր են: 2012 -ի գարնանը աստղային զույգը հայտարարել էր իր նշանադրության մասին:
Անժելինա Ջոլին 37 տարեկան է, իսկ Բրեդ Փիթը` 48: Նրանք ծանոթացել են 2005-ին «Միսիս եւ Միսթեր Սմիթները» ֆիլմի նկարահանումների ժամանակ: