3 րոպեի ընթերցում
ԵՐԵՎԱՆ, 28ՆՈՅԵՄԲԵՐԻ, ԱՐՄԵՆՊՐԵՍ:Նախիջեւանի 19-րդ դարի հայկական եկեղեցին ոչ միայն գոմի է վերածվել, այլև ներկայացվում է որպես «ալբանական սրբավայր»:Հայկական ճարտարապետությունն ուսումնասիրող հիմնադրամի նախագահ Սամվել Կարապետյանը իր տեսաբլոգում անդրադարձել է Eurasianet.org կայքում օրերս հրապարակված ապատեղեկատվությանը:«Արմենպրես»-ի հաղորդմամբ`Սամվել Կարապետյանը նշում է, որ իրականում Eurasianet-ի հոդվածն ուղեկցող նկարում, որի հեղինակն է ոմնՌավիկ Վլադիչը,պատկերված է մինչև 1918թ. ամբողջովին հայաբնակ Դաշբուլաղ գյուղի Սուրբ Գևորգ եկեղեցին, որը կառուցվել է 1823 թվականին, երբ «ալբանացիները» 1000 տարի արդեն լքել էին երկիր թատերաբեմը:
«Ադրբեջանը 4,5 մլն դոլար է հատկացրել Գերմանիայից եւ Ավստրիայից ազնվացեղ կովեր իր երկիր բերելու եւ բուծելու համար, իսկ այդ կովերին Վլադիչը նկարել է Դաշբուլաղ գյուղում, որը գտնվում է Քուր գետի ձախափնյա մասում ու մինչեւ 18-րդ դարը զուտ հայկական գյուղ էր: Մուսաֆաթի կառավարման տարիներին թուրքական բանակի Բաքու գնալու ճանապարհին գյուղը հայաջինջ է եղել: Նկարում ակնհայտ է, որ եկեղեցին գոմ է` առանց դռան:Նկարի տակ մակագրված է, թե եկեղեցին ալբանական է, իսկ ալբանները, ըստ ադրբեջանցիների հորինած թեզի, իրենց նախնիներն են: Այսինքն ստացվում է, դա քրիստոնյա թուրքերի կառուցած հուշարձանն է, որին հենց իրենք շատ հանգիստ ու անտարբեր վերաբերմունք են ցույց տալիս`իբրեւ անասնագոմի:
Իրականում Դաշբուլաղի եկեղեցին կոչվել է Սուրբ Գեւորգ, կառուցվել է 1828 թվականին, ունեցել է շինարարական աշխատանքների մասին պատմող արձանագրություն: Եկեղեցու մասին հրապարակել է 1893 թ-ին Մակար եպիսկոպոս Բարխուրդարյանցն իր «Աղվանից երկիր եւ դրացիք» աշխատության մեջ:
Սա ադրբեջանական ճչացող, աղաղակող կեղծիքներից մեկն է, որն ամբողջ աշխարհը, եւ մանավանդ այդ լուսանկարիչը, ով հավատացել է, թե եկեղեցին ալբանական է, հասկանան, որ եկեղեցին ալբանական ուղղակի չի կարող լինել. ալբանները գրեթե 1000 տարի առաջ արդեն լքել էին «Երկիր» թատերաբեմը, իսկ հազար տարի հետո չէր կարող ալբանական եկեղեցի կառուցվել»,-ասում է Սամվել Կարապետյանը: