2 րոպեի ընթերցում
ԵՐԵՎԱՆ, 12 ՆՈՅԵՄԲԵՐԻ, ԱՐՄԵՆՊՐԵՍ: Ամերիկացի երգչուհի Թեյլոր Սվիֆթը եւ պատանիների կուռքը՝ Ջասթին Բիբերը, եվրոպական MTV Europe Music Awards մրցանակի դափնեկիրներ են դարձել միանգամից մի քանի անվանակարգերում, հաղորդում Է «Արմենպրես»-ը: Մրցանակը նոյեմբերի 11-ին հանձնել են Մայնի Ֆրանկֆուրտում, ուղիղ հեռարձակումն իրականացրել Է միջոցառման ինտերնետ-կայքը:
Մրցանակն ունի ընդամենը 16 անվանակարգ, դրանցում հաղթողներին որոշում են հանդիսականները քվեարկության միջոցով: Սվիֆթը հաղթող Է դարձել «Տարվա երգչուհի», «Լավագույն կենդանի կատարում» եւ «Լավագույն արտաքին տեսք» անվանակարգերում: Բիբերին հանդիսականները հաղթող են ճանաչել «Տարվա երգիչ», «Լավագույն փոպ-կատարում», «Լավագույն կենդանի ելույթ» եւ «Լավագույն համաշխարհային կատարում» անվանակարգերում:
One Direction խումբը եւ երգչուհի Քառլի Ռեյ Ջեփսենն ստացել են երկուական արձանիկներ: Երաժշտական կոլեկտիվին պարգեւատրել են երկրպագուների ամենամեծ թվի համար, ինչպես նաեւ «Լավագույն նորույթ» անվանակարգում: Ջեփսենը հռչակվել Է Է «տարվա ճեղքում», իսկ նրա Call Me Maybe սինգլը ճանաչվել Է «տարվա երգը»:
Եվրոպական MTV (European Music Awards, EMA) պարգեւներն այս տարի հանձնվում են 19-րդ անգամ: Այն քաղաքները, որոնք իրենց մոտ կազմակերպում են արարողությունը, ամեն տարի փոխվում են: