396.54
Ստեփանակերտի օդանավակայանը պետք է շահագործել` անտեսելով Բաքվի սպառնալիքները. Հրանտ Մելիք-Շահնազարյան
1 րոպեի ընթերցում
ԵՐԵՎԱՆ, 3 ՆՈՅԵՄԲԵՐԻ, ԱՐՄԵՆՊՐԵՍ: Ստեփանակերտի օդանավակայանը պետք է շահագործել` անտեսելով Բաքվի սպառնալիքները: Այս մասին նոյեմբերի 3-ին հրավիրված մամուլի ասուլիսի ժամանակ նման կարծիք հայտնեց քաղաքագետ Հրանտ Մելիք-Շահնազարյանը` հավելելով, որ Բաքուն պետք է գիտակցի, որ Հայաստանն ունի պատասխանի հնարավորություն և անհրաժեշտության դեպքում կարող է դիմել կոշտ միջոցների:
«Արցախը պետք է դառնա լիարժեք բանակցող կողմ` հակառակ դեպքում որևէ բանակցություն անիմաստ է: Հայաստանին բանակցային գործընթացը ժամանակ էտալիս ազատագրված տարածքներն ավելի ամրապնդելու համար»,- «Արմենպրես»-ի հաղորդմամբ` ասաց Մելիք-Շահնազարյանը` շեշտելով այն փաստը, որ պատերազմն ամբողջությամբ կանխել հնարավոր չէ և պետք է տրված ժամանակն օպիտմալ օգտագործել:
Անդրադառնալով Սաֆարովի արտահանձնման հարցին` քաղաքագետը նշեց, որ այն պետք է լինի բանակցությունների քննարկման կարևոր հարցերից մեկը:
«Մինսկի խմբի համանախագահները հայատարարել են, որ նոր առաջարկներ են պատրաստում կողմերի համար, սակայն դժվար է ասել, թե ինչ առաջարկներ են լինելու դրանք, քանզի այս ընթացքում բանակցային գործընթացում որևէ քաղաքական լուծում չի գտնվել»,- կարծիք հայտնեց Մելիք-Շահնազարյանը:
Բաժանորդագրվեք մեր ալիքին Telegram-ում