Իրանի իշխանություններն արգելել են 50 անուն ապրանքների, այդ թվում՝ ցորենի արտահանումը

ԵՐԵՎԱՆ, 31 ՀՈԿՏԵՄԲԵՐԻ, ԱՐՄԵՆՊՐԵՍ: Իրանի Սպառողների եւ արտադրողների իրավունքների պաշտպանության կազմակերպությունն արգելել Է երկրից 50 անուն ապրանքների, այդ թվում՝ սննդամթերքի, ալյումինի եւ նավթաքիմիական արտադրանքի արտահանումը՝ նպատակ ունենալով օժանդակել ազգային արտադրությանը, հաղորդում Է «Արմենպրես»-ը՝ հղում անելով IRNA լրատվական գործակալությանը: Մասնավորապես, արգելված Է Իրանի Իսլամական Հանրապետությունից ցորենի, ալյուրի, ձեթի, կենդանի անասունի եւ մսի, կերերի, սոյայի արտահանումը:

Բացի դրանից, Իրանից արգելված Է կատոդների, պղնձալարի, կաշվի, ավտոմոբիլի դողերի, պոլիմերային արտադրանքի, ալյումինի, փայտանյութի, պողպատե ձողերի, սեւ մետաղների ջարդոնի, թափոնաթղթի, պողպատե արտադրանքի, ներմուծված արդյունաբերական եւ ճանապարհային տեխնիկայի եւ պահեստամասերի արտահանումը:

Արտահանման համար արգելված են նաեւ յուղը, մանկական կերը, ներմուծված թեյն ու բրինձը, նատրիումի սուլֆատն ու կարբոնատը, սոդաները: Ներմուծված բոլոր բժշկական սարքավորումների արտահանումը նույնպես ընկնում Է արգելքի տակ:

Ավելի վաղ զանգվածային լրատվամիջոցները հաղորդել Էին, որ վերջին ամիսներին երկրի կենտրոնական մասում տեղումների քանակը նվազագույնն Է եղել վերջին հինգ տարում: Երկրի նախագահ Մահմուդ Ահմադինեժադը նույնիսկ հայտարարել Է, որ չորային եղանակն Արեւմուտքի հատուկ ծառայությունների կողմից գործադրված կլիմայական զենքի հետեւանքն Է: