5 րոպեի ընթերցում
ԵՐԵՎԱՆ, ՀՈԿՏԵՄԲԵՐԻ, ԱՐՄԵՆՊՐԵՍ: Ավարտվեցին եվրոպական մի շարք ֆուտբոլիային առաջնությունների հերթական տուրի հանդիպումները:«Արմենպրես»-ի հաղորդմամբ, իսպանական «Լա լիգա»-ի 8-րդ տուրի կենտրոնական հանդիպումը կայացավ Դեպորտիվոյում, որտեղ տեղի համանուն թիմը հյուրընկալեց «Բարսելոնա»-ին: «Կապտանռնագույնները» համառ պայքարում 4:5 հաշվով առավելության հասան:
«Մալագա»-ն տանը 2-1 հաշվով պարտության մատնեց «Վալյադոլիդ»-ին, նույն հաշվով «Գրանադա»-ն զիջեց «Սարագոսա»-ին: «Ռեալ»-ը «Սանտիագո Բեռնաբեո» մարզադաշտում երկու անպատասխան գնդակ ուղարկեց «Սելթա»-ի դարպասը: «Լեւանտե»-ն արտագնա խաղում նվազագույն հաշվով առավելության հասավ «Խետաֆե»-ի, իսկ «Ատլետիկո» Մադրիդը` «Ռեալ Սոսյեդատ»-ի նկատմամբ: «Վալենսիա»-ն երեք գնդակ ուղարկեց «Ատլետիկ»-ի դարպասը` սեփականն ընդունելով երկուսը: Գոլառատ էր նաեւ «Էսպանիոլ»-«Ռայո Վալեկանո» հանդիպումը, որտեղ բախտը ժպտաց «Էսպանիոլ»-ի ֆուտբոլիստներին: «Լա լիգա»-ի մրցաշարային աղյուսակը գլխավորում են «Բարսելոնա»-ն եւ «Ատլետիկո» Մադրիդը, որոնք ունեն հավասար` 22 միավոր: Երրորդ եւ չորրորդ տեղերը միմյանց հետ հաջորդաբար կիսում են «Մալագա»-ն (17 միավոր) եւ «Ռեալ»-ը (14 միավոր):
«Մառախլապատ Ալբիոն»-ում կայացան 8-րդ տուրի հանդիպումները: Տուրի ամենասպասված խաղը «Տոտենհեմ»-«Չելսի» զույգի միջեւ էր: «Կապույտներին» հաջողվեց 4-2 հաշվով առավելության հասնել: Նույն հաշվով «Մանչեստեր Յունայթեդ»-ը պարտության մատնեց «Սթոք Սիթի»-ին: «Մանչեստեր»-ը ներկայացնող մյուս ակումբը` «Մանչեստեր Սիթի»-ն հյուընկալվելիս 2-1 հաշվով պարտության մատնեց «Վեստ Բրոնվիչ»-ին: Նման հաշվով ավարտվեց նաեւ «Սուոնս»-«Ուիգան» հանդիպումը: «Ֆուլհեմ»-ը նվազագույն` 1-0 հաշվով հաղթեց «Ասթոն Վիլլա»-ին, «Լիվերպուլ»-ը` «Ռեդինգ»-ին, իսկ «Նորվիչ»-ը` «Արսենալ»-ին: «Վեստհեմ»-ը տանը 4-1 հաշվով ջախջախեց «Սաուտհեմտոն»-ին:
Ոչ-ոքի ավարտվեցին «Սանդերլենդ»-«Նյուքասլ» (1-1), «Քուին պարկ ռենջերս»-«Էվերտոն» (1-1) հանդիպումները:«Պրեմիեր լիգա»-ի մրցաշարային աղյուսակը գլխավորում է «Չելսի»-ին` 22 միավորով: Երկրորդ եւ երրորդ տեղը հավասար, 18 միավորով կիսում են Մանչեստերի երկու ակումբները: «Էվերտոն»-ը չորրորդն է` 15 միավորով:
Իտալական «Սերիա Ա»-ի 8-րդ տուրի անակնկալը գրանցվեց «Լացիո»-«Միլան» խաղում, որտեղ «Ռոսոներ»-ը զիջեցին 3-2 հաշվով: «Յուվենտուս»-ը տանը երկու անպատասխան գնդակ ուղարկեց «Նապոլի»-ի դարպասը: Նույն հաշվով ավարտվեց նաեւ «Ինտեր»-«Կատանիա» հանդիպումը: «Կալյարի»-«Բոլորիա» (1-0) խաղում միայն մեկ անգամ դարպասի գրավում արձանագրվեց: Նվազագույն հաշվով ավարտվեց նաեւ «Ուդինեզե»-«Պեսկարա» (1-0) հանդիպումը: «Ատլանտա»-ն 2-1 հաշվով առավելության հասավ «Սիենա»-ի նկատմամբ, իսկ «Պարմա»-ն` «Սամդորիա»-ի:
Ոչ-ոքի ավարտվեցին «Կիեւո»-«Ֆիորենտինա» (1-1), «Պալերմո»-«Կատանիա» (0-0) խաղեը: Խոշոր հաշիվ գրանցվեց տուրի վերջին հանդիպման ժամանակ, «Ռոմա»-ն արտագնա խաղում 4-2 հաշվով պարտության մատնեց «Ջենովա»-ին: Իտալայի ֆուտբոլի ազգային առաջնության մրցաշարային աղյուսակը գլխավորում է «Յուվենտուս»-ը (22 միավոր), «Նապոլի»-ին երկրորդ տեղում է (19), երրորդ եւ չորրորդ տեղերը կիսում են «Լացիո»-ն եւ «Ինտեր»-ը: