4 րոպեի ընթերցում
ԵՐԵՎԱՆ, ՀՈԿՏԵՄԲԵՐԻ, ԱՐՄԵՆՊՐԵՍ: Ավարտվեցին իսպանական «Լա լիգա»-ի 7-րդ տուրի բոլոր հանդիպումները: «Արմենպրես»-ի հաղորդմամբ, տուրի կենտրոնական հանդիպումը կայացավ «Սանտիագո Բեռնաբեո» մարզադաշտում: Իրենց 222-րդ «Էլ Կլասիկո»-ն անցկացրեցին «Բարսելոնա»-ն եւ «Ռեալ»-ը: Հանդիպումն ավարտվեց 2-2 հաշվով, որտեղ դուբլի հեղինակները դարձան Լեո Մեսսին եւ Կրիշտիանու Ռոնալդուն:
Տուրի հաջորդ խաղում «Սելթա»-ն տանը 2-0 հաշվով հաղթեց «Սեւիլիա»-ին, նույն հաշվով «Բետիս»-ը պարտության մատնեց «Ռեալ Սոսյեդատ»-ին: «Ռայո Վալենկանո»-ն սեփական հարկի տակ 2-1 հաշվով առավելության հասավ «Դեպորտիվո»-ի, «Գրանադա»-ն` «Մալյորկա»-ի, «Ատլետիկո Մադրիդ»-ը` «Մալագա»-ի նկատմամբ: Նվազագույն հաշիվ գրանցվեց «Սարագոսա»-«Խետաֆե» (0-1), «Լեւանտե»-«Վալենսիա» (1-0) եւ «Ատլետիկ Բիլբաո»-«Օսասունա» (1-0) խաղերում: «Վալյադոլիդ»-«Էսպանիոլ» հանդիպումն ավարտվեց 1-1 հաշվով:
«Լա լիգա»-ի մրցաշարային աղյուսակը գլխավորում են «Բարսելոնա»-ն եւ Մադրիդի «Ատլետիկո»-ն` 19-ական միավորով: «Մալագա»-ն 3-րդ է, «Ռեալ»-ը 5-րդը:
Իտալական «Սերիա Ա»-ի կենտրոնական հանդիպումը կայացավ Միլանում: 7-րդ տուրի կենտրոնական խաղում «Ինտեր»-ին հաջողվեց նվազագույն հաշվով առավելության հասնել «Միլան»-ի նկատմամբ: «Կիեւո»-ն տան 2-1 հաշվով պարտության մատնեց «Սամդորիա»-ին: Նույնատիպ հաշիվ գրանցվեց նաեւ «Սիենա»-«Յունվենտուս» (1-2) եւ «Նապոլի»-«Ուդինեզե» (2-1) խաղերում: «Ռոմա»-ն 2-0 հաշվով հաղթեց «Ատալանտա»-ին, իսկ «Կատանիա»-ն` «Պարմա»-ին:
Տուրի ամենախոշոր հաշիվը գրանցվեց «Պեսկարա»-«Լացիո» խաղում, որտեղ «Լացիո»-ի ֆուտբոլիստներին հաջողվեց երեք անպատասխան գնդակ ուղարկել մրցակցի դարպասը: «Ֆիորենտինա»-ն սեփական հարկի տակ մեկ գնդակի առավելությամբ հաղթեց «Բոլոնիա»-ին, իսկ «Տորինո»-ն զիջեց «Կալյարի»-ին: «Յունվենտուս»-ը եւ «Նապոլի»-ն գլխավորում են «Սերիա Ա»-ի մրցաշարային աղյուսակը, երրորդ եւ չորրորդ տեղերը կիսում են «Լացիոն»-ն եւ «Ինտեր»-ը:
AC Milan 0-1 Inter Milan by fasthighlights2013
Ավարտվեցին նաեւ Անգլիայի ֆուտբոլի ազգային առաջնության 7-րդ տուրը: «Մանչեստեր Սիթի»-ին սեփական հարկի տակ երեք անպատասխան գնդակ ուղարկեց «Սանդերլենդ»-ի դարպասը: «Չելսի»-ին 4-1 հաշվով հաղթեց «Նորվիչ»-ին: «Վեստ Բրոնվիչը»-«Քուին Պարկ Ռենջերս» հանդիպումն ավարտվեց 3-2 հաշվով: «Արսենալ»-ն արտագնա խաղում 3-1 հաշվով առավելության հասավ «Վեստ Հեմի» նկատմամբ: Ոչ-ոքի` 2-2 հաշվով, ավարտվեցին «Սուոնս»-«Ռեդինգ», «Ուիգա»-«Էվերտոն», «Սաուտհեմտոն»-«Ֆուլհեմ» հանդիպումները: Հաշիվը չբացվեց «Լիվերպուլ»-«Սթոկ Սիթի» խաղում: Մրցաշարային աղյուսակը գլխավորում է «Չելսի»-ին` 19-ին միավոր: Մանչեստերը ներկայացնող երկու ակումբները կիսում են երկրորդ եւ երրորդ տեղերը: