Հայտնի է Իտալիայի ֆուտբոլի ազգային հավաքականի կազմը

ԵՐԵՎԱՆ, 8 ՀՈԿՏԵՄԲԵՐԻ, ԱՐՄԵՆՊՐԵՍ: Ֆուտբոլի Իտալիայի ազգային հավաքականի գլխավոր մարզիչ Չեզարե Պրանդելին հրապարակել է Մունդիալ- 2014-ի ընտրական փուլի Հայաստանի եւ Դանիայի հետ խաղերին նախապատրաստվող ֆուտբոլիստների անունները:

«Արմենպրես»-ի հաղորդմամբ, աշխարհի քառակի չեմպիոնների ցուցակում ընդգրկվել են 25 ֆուտբոլիստ. Դարպասապահներ՝ Ջիանլուիջի Բուֆոն («Յուվենտուս»), Մորգան Դե Սանկտիս («Նապոլի»), Սալվատորե Սիրիգու («Պարի Սեն-Ժերմեն»), Էմիլիանո Վիվիանո («Ֆիորենտինա»)։

Պաշտպաններ՝ Ինյացիո Աբատե («Միլան»), Ֆեդերիկո Բալձարետտի («Ռոմա»), Անդրեա Բարցալյի («Յուվենտուս»), Լեոնարդո Բոնուչի («Յուվենտուս»), Ջիորջիո Կյելինի («Յուվենտուս»), Դոմենիկո Կրիշիտո (Զենիթ Սանկտ-Պետերբուրգ), Կրիստիան Մաջիո («Նապոլի»), Անջելո Օգբոննա («Տորինո»), Անդրեա Ռանոկիա («Ինտեր»)։

Կիսապաշտպաններ՝ Անտոնիո Կանդրեվա («Լացիո»), Դանիելե Դե Ռոսսի («Ռոմա»), Ալեսանդրո Դիամանտի («Բոլոնյա»), Էմանուելե Ջիակերինի («Յուվենտուս»), Կլաուդիո Մարկիզիո («Յուվենտուս»), Ռիկարդո Մոնտոլիվո («Միլան»), Անդրեա Պիրլո («Յուվենտուս»), Մարկո Վերատտի («Պարի Սեն-Ժերմեն»)։

Հարձակվողներ՝ Մարիո Բալոտելի («Մանչեսթեր Սիթի»), Մատիա Դեստրո («Ռոմա»), Ստեֆան Էլ Շարավի («Միլան»), Ալբերտո Ջիլարդինո («Բոլոնյա»), Սեբաստիան Ջիովինկո («Յուվենտուս»), Պաբլո Օսվալդո («Ռոմա»)։

Ֆուտբոլի աշխարհի առաջնության ընտրական փուլի Հայաստան-Իտալիայի հանդիպումը կկայանա հոկտեմբերի 12-ին «Հրազդան» մարզադաշտում, Երեւանի ժամանակով ժամը 21-00-ին:

Մինչ այս Հայաստանի ազգային հավաքականի մարզչական շտաբը՝ Վարդան Մինասյանի գլխավորությամբ, հայտավորել է հետևյալ ֆուտբոլիստներին.

Դարպասապահներ`

Ռոման Բերեզովսկի, «Դինամո», Ռուսաստան

Գևորգ Կասպարով, «Միկա»

Արթուր Հարությունյան, «Շիրակ»

Պաշտպաններ`

Ռոբերտ Արզումանյան, «ԲՄԱ-Էներգիա», Ռուսաստան

Հրայր Մկոյան, «Շիրակ»

Վալերի Ալեքսանյան, «Սանաթ Նաֆթ», Իրան

Արտակ Եդիգարյան, «Մետալուրգ», Դոնեցկ, Ուկրաինա

Կամո Հովհաննիսյան, «Փյունիկ»

Հովհաննես Համբարձումյան, «Բանանց»

Տարոն Ոսկանյան, «Փյունիկ»

Կիսապաշտպաններ`

Կառլեն Մկրտչյան, «Մետալուրգ», Դոնեցկ, Ուկրաինա

Արթուր Եդիգարյան, «Հովերլա», Ուկրաինա

Հենրիխ Մխիթարյան, «Շախտյոր», Ուկրաինա

Արաս Օզբիլիս, «Կուբան», Ռուսաստան

Դավիթ Մանոյան, «Փյունիկ»

Էդգար Մանուչարյան, «Ուրալ», Ռուսաստան

Էդգար Մալաքյան, «Վիկտորիա», Պլզեն, Չեխիա

Զավեն Բադոյան, «ԲԱՏԵ», Բելառուս

Արթուր Յուսպաշյան, «Փյունիկ»

Կարեն Մուրադյան, «Շիրակ»

Հարձակվողներ`

Արթուր Սարկիսով, «Վոլգա», Ռուսաստան

Յուրա Մովսիսյան, «Կրասնոդար», Ռուսաստան