1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Հայաստանի ազգային հավաքականի անդամ Յուրա Մովսիսյանի գործակալ Պատրիկ Մակկեյբելի խոսքերով հարձակվողը կանգնած է երկընտրանքի առջեւ. մնալ Ռուսաստանում, թե տեղափոխվել Արեւմուտք:«Արմենպրես»-ի փոխանմամբ`chempionat.com-ը գրում է, որ «Կրասնոդար»-ը ցանկություն չունի հրաժարվել Մովսիսյանից եւ հարցը նրանում է` արդյոք Յուրան ուզում է մնալ ակումբում: «Ի տարբերություն Ռուսաստանի, Եվրոպայում աշխատավարձն ավելի ցածր է, սակայն «Կրասնոդար»-ն ամեն ինչ պիտի անի Մովսիսյանինիր մոտ պահելու համար»,-ասել է ֆուտբոլիստի գործակալ Պատրիկ Մակկեյբելը:
Վերջինս հավելել է նաեւ, որ Յուրան շատ լավ գիտակցում է, որ ինքն արդեն 25 տարեկան է, եւ իրեն այդքան էլ երկար կարիերա չի սպասվում: Հայազգի ֆուտբոլիստը, սակայն, ցանկություն ունի խաղալու «Չեմպիոնների լիգա»-ում կամ «Եվրոպայի լիգա»-ում:
Յուրա Մովսիսյանը «Կրասնոդար» է տեղափոխվել 2011 թվականին: Հայաստանի ազգային ընտրանու հարձակվողը Ռուսաստանի ընթացիկ առաջնությունում դարձել է ութ գոլի հեղինակ եւ գլխավորում է ռմբարկուների ցուցակը: