2 րոպեի ընթերցում
ԵՐԵՎԱՆ, 15 ՕԳՈՍՏՈՍԻ, ԱՐՄԵՆՊՐԵՍ: «Մանկական Նոր ալիք 2012» մրցույթին Հայաստանը ներկայացնող Սոնա Գյուլխասյանի եւ Արինա Մալխասյանի նախապատրաստական փորձերը շատ լավ են անցել: Մրցույթը տեղի կունենա այսօր`օգոստոսի 15-ի երեկոյանՂրիմի «Արտեկ» համերգային համալիրում: «Արմենպրես»-ի հետ զրույցում մասնակիցների պրոդյուսեր Նադեժդա Սարգսյանը նշեց, որ Ղրիմում նախապատրաստական ամբողջ ընթացքում աղջիկները լավագույն արդյունքներ են ցուցաբերել:
Այս տարի «Մանկական Նոր ալիք» մրցույթի հայաստանյան պատմության մեջ առաջին անգամ մեր երկիրը ներկայացնում են ոչ թե մեկ, այլ երկու մասնակից, եւ ոչ թե դուետով, այլ անհատ կատարմամբ:
Հայաստանը ներկայացնող Սոնա Գյուլխասյանը կկատարի Listen եւ «Կարոտ», իսկ Արինա Մալխասյանը` «Լուսնյակ գիշեր» եւ Chocolade երգերը: Այս տարի մրցույթն անցկացվում է Ղրիմում արդեն հինգերորդ անգամ: Մրցույթին մասնակցում է 12 երկրներից 16 մասնակից:
«Մանկական Նոր ալիք» -ի ժյուրիի կազմը գլխավորում է Ռուսաստանի եւ Ուկրաինայի ժողովրդական արտիստ Իգոր Կրտուտոյը: Ժյուրիի անդամների թվում են` Կոնստանտին Մելաձեն, Լեւ Լեշենկոն, Ալսուն:
Մրցույթը կանցկացվի օգոստոսի 15-ից 17-ը: Համաձայն մրցույթի կանոնադրության` «Մանկական Նոր ալիք»-ը չի հեռարձակվում ուղիղ եթեր, այլ ցուցադրվում է տեղական երկրի հեռարձակման իրավունք ձեռք բերած հեռեռուստատեսությամբ` մրցույթի ավարտից օրեր անց: