1 րոպեի ընթերցում
ԵՐԵՎԱՆ, 9 ՕԳՈՍՏՈՍ, ԱՐՄԵՆՊՐԵՍ: Հայաստանի ազգային հավաքականի հարձակվող Յուրա Մովսիսյանն ընդգրկվել է ռուսական «Պրեմիեր Լիգա»-ի հինգ լավագույն ֆուտբոլիստների ցուցակում:Ինչպես փոխանցում է «Արմենպրես»-ը, վկայակոչելով Sport.ru կայքը, վերջինս Մովսիսյանին ընդգրկել է նոր մեկնարկած Ռուսաստանի 2012/13 առաջնության ամենաակնառու ֆուտբոլիստների հնգյակում:
«Մովսիսյանի համար ամեն ինչ կարծես նոր չէ սկսվել: Նա շարունակում է գոլեր խփել, ինչպես նախորդ խաղաշրջանում էր: «Կրասնոդար»-ը հաղթանակներ է տոնում եւ տանը` առավելության հասնելով «Ռուբին»-ի կամ «Լոկոմոտիվի»-ի դեմ խաղերում, եւ արտագնա խաղերում: Հարձակվողը կարողանում է անվրեպ իրացնել 11 մետրանոցները: Հայազգի ֆուտբոլիստը կարողանում է երբեմնհայտնվել ճիշտ ժամանակին եւ ճիշտ տեղում»,- մեջբերում է պարբերականը:
Յուրա Մովսիսյանը Կրասնոդարը ներկայացնող համանուն թիմում հանդես է գալիս 2011 թվականից: Դեռեւս նոր մեկնարկած խաղաշրջանում Մովսիսյանը հասցրել է արդեն 3 գոլի հեղինակ դառնալ: