2 րոպեի ընթերցում
ԵՐԵՎԱՆ, 7 ՕԳՈՍՏՈՍ, ԱՐՄԵՆՊՐԵՍ: Հայաստանի ֆուտբոլի ազգային հավաքականի անդամ Հենրիկ Մխիթարյանն Ուկրաինային առաջնության 4-րդ տուրում դարձավ դուբլի հեղինակ եւ գլխավորում է մրցաշրջանի ռմբարկուների ցուցակը:Ինչպես փոխանցում է «Արմենպրես»-ը, Դոնեցկը ներկայացնող «Շախտյոր»-ը, արտագնա խաղում չորս անպատասխան գնդակ ուղարկեց «Վոլինիի» դարպասը: Հենրիկ Մխիթարյանին հաջողվեց դուբլի հեղինակ դառնալ: Այս հանդիպումից հետո կիսապաշտպանն իր «հեղինակած» գոլերի քանակը հասցրեց հինգի եւ այժմ միայնակ գլխավորում է Ուկրաինայի առաջնության ռմբարկուների ցուցակը:
Խաղից հետո Մխիթարյանը փոքր հարցազրույց է տվել «Շախտյոր»-ի պաշտոնական կայքին. «Արմենպրես»-ը ներկայացնում է հարցազրույցն ամբողջությամբ.
-Հենրիխ, դու միշտ ասում ես, որ քեզ համար առաջին տեղում ակումբն է: Դրա հետ մեկտեղ արդեն հինգ անգամ առանձնացել ես թիմից (5 գոլի հեղինակ է դարձել):
-Միշտ էլ հաղթում կամ պարտվում է ակումբը: Սա շատ կարեւոր երեք միավոր էր մեզ համար: Կարեւոր է նաեւ, որ մենք նույն տեմպով շարունակենք մեր սկսածը: Եթե այսպես շարունակենք, ապա ամբողջովին պատրաստ կլինենք «Չեմպիոնների լիգա»-ին:
-Ինչպիսի՞ մրցակից էր «Վոլին»-ը ձեզ համար:
-Կարող եմ ասել, որ նրանք շատ հաջող համագործակցեցին եւ փորձեցին նաեւ փոխել խաղի ընթացքը: Բայց մենք գերազանցում էինք նրանց:
-Սովորաբար «Վոլինն» գործում է ավելի նվիրված խաղին, ի՞նչ ես կարծում` այս անգամ արդյոք դա էրպակասում:
-Չեմ կարծում այս անգամ եւս նրանք խաղում էին նվիրվածությամբ: Բայց մենք շատ լուրջ էին պատրաստվել այս հանդիպմանը: Եւ որ կարեւոր է, մեզ Միստերն ասել էր, եթե գոլի հեղինակ չդառնանք, ապա մեզ կպատժեն: Անցած խաղաշրջանից հետո մենք չենք ուզում զիջել ոչ առաջին, ոչ երկրորդ կամ ոչ էլ երրորդ խաղերում:
«Հանքափորներն» իրենց հաջորդ հանդիպումը կանցկացնեն օգոստոսի 8-ին` տանը հյուրընկալելով «Սպարտակ»-ին: