1 րոպեի ընթերցում
ԵՐԵՎԱՆ, 23 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի հարձակվող Արթուր Սարկիսովը պաշտոնապես տեղափոխվեց Ռուսաստանի պրեմիեր լիգայում հանդես եկող Նիժնի-Նովգորոդի «Վոլգա»: Ինչպես հաղորդում է «Արմենպրես»-ը` վկայակոչելով Մոսկվայի «Լոկոմոտիվ»-ի պաշտոնական կայքը, Սարկիսովը մեկ տարի ժամկետով վարձավճարային պայմաններով է հանդես գալու «Վոլգա»-ում, քանի որ 25-ամյա հարձակվողի տրանսֆերը պատկանում է հենց մոսկովյան ակումբին:
Սարկիսովը նախորդ մրցաշրջանում կրկին վարձավճարով ելույթ էր ունենում ՌԴ առաջին դիվիզիոնի «Շիննիկ»-ում, որի կազմում անցկացրած 41 խաղում հայ հարձակվողը դարձել էր ութ գոլի հեղինակ: