1 րոպեի ընթերցում
ԵՐԵՎԱՆ, 21 ՀՈՒԼԻՍԻ, ԱՄԵՆՊՐԵՍ: Ռուսաստանի ֆուտբոլային միության և Ռուսաստանի ազգային հավաքականի ապագա գլխավոր մարզիչ, իտալացի Ֆաբիո Կապելլոյի միջև պայմանագիրը կստորագրվի հուլիսի 25-ին: Ինչպես հաղորդում է «Արմենպրես»-ը` վկայակոչելով «Ինտերֆաքս»-ը, այս մասին հայտարարել է ՌՖՄ փոխնախագահ Նիկիտա Սիմոնյանը: Նրա փոխանցմամբ, Կապելլոն ներկա է գտնվել Ռուսաստանի առաջնության առաջին տուրի ԲԿՄԱ-«Ռստով» հանդիպմանը, այնուհետև մեկնելու է Սանկտ-Պետերբուրգ, որտեղ կիրակի օրը դիտելու է «Զենիթ»-«Ամկար» մրցավեճը: Սանկտ-Պետերբուրգից Կապելլոն կմեկնի հայրենի Իտալիա, այնուհետեւ կվերադառնա Մոսկվա, որտեղ առաջիկա չորեքշաբթի կստորագրի պայմանագիրը:
Հանրահայտ մարզչի և ՌՖՄ-ի միջև ստորագրվելու է երկու տարվա պայմանագիր: