1 րոպեի ընթերցում
ԵՐԵՎԱՆ, 21 ՀՈՒԼԻՍԻ, ԱՐՄԵՆՊՐԵՍ: Ֆուտբոլի Հայաստանի ազգային հավաքականի և լեհական «Յագելոնիա»-ի պաշտպան Ռոբերտ Արզումանյանը փորձաշրջան կանցնի Ռուսաստանի պրեմիեր լիգայում հանդես եկող Սարանսկի «Մորդովիայում»: Ինչպես հաղորդում է «Արմենպրես»-ը` այս մասին տեղեկացնում է «Յագելոնիա»-ի պաշտոնական կայքը: 27-ամյա պաշտպանը ռուսական թիմին կմիանա հուլիսի 23-ին և փորձաշրջանը կտևի մինչ հուլիսի 30-ը: Արզումանյանը վերջին մրցաշրջանում հազվադեպ էր հայտավորվում Բելոստոկի թիմի կազմում, իսկ նոր մրցաշրջանի սկզբում գլխավոր մարզիչ Տոմաշ Հայտոն մեր պաշտպանին հայտնել էր, որ նա այլևս չի մտնում իր ծրագրերի մեջ: Պրեմիեր լիգայի նորեկ «Մորդովիան» Ռուսաստանի առաջնության մեկնարկային տուրում 2:3 հաշվով պարտվել է Մոսկվայի «Լոկոմոտիվ»-ին: