368.45
Աֆղանստանում սպանվել Է կանանց իրավունքների պաշտպանը
1 րոպեի ընթերցում
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Աֆղանստանի արեւելքում գտնվող Լագման նահանգում բարձրաստիճան պաշտոնյա Է սպանվել: Խանիֆա Սաֆին զբաղեցնում Էր կանանց հարցերի նախարարության տարածաշրջանային բաժանմունքի ղեկավարի պաշտոնը, հաղորդում Է «Արմենպրես»-ը՝ հղում անելով BBC-ին:
Կինը եւ նրա ամուսինը զոհվել են ռումբի պայթյունից, որն ամրացված Է եղել ավտոմեքենային: Սաֆին հայտնի Էր կանանց իրավունքների պաշտպանությամբ: Լրագրողները նշում են, որ նա հաճախ Էր հասարակության մեջ հայտնվում ամուսնու հետ՝ առանց գլխաշորի, ինչը պահպանողականների տեսակետից իսլամի կանոնների խախտում Է:
Պետական ծառայողներն Աֆղանստանում հաճախ են զինյալների գրոհների զոհ դառնում, սակայն անցյալում կանայք հազվադեպ Էին տուժում նման գրոհների ընթացքում:
Կարդացեք հոդվածը` Русский
Բաժանորդագրվեք մեր ալիքին Telegram-ում