Ուկրաինայի նախագահը շնորհավորել է Սերժ Սարգսյանին ծննդյան օրվա կապակցությամբ
1 րոպեի ընթերցում
![Ուկրաինայի նախագահը շնորհավորել է Սերժ Սարգսյանին ծննդյան օրվա կապակցությամբ](http://armenpress.am/resized/480/static/news/b/2012/06/686316.jpg)
ԵՐԵՎԱՆ, 30 ՀՈՒՆԻՍԻ, ԱՐՄԵՆՊՐԵՍ: Ուրաինայի նախագահ Վիկտոր Յանուկովիչը շնորհավորել է ՀՀ Նախագահ Սերժ Սարգսյանին ծննդյան 58-րդ տարեդարձի կապակցությամբ: Այս մասին հաղորդում է «Արմենպրես»-ը` վկայակոչելով Ուկրաինայի նախագահի պաշտոնական կայքը:
«Հարգելի Սերժ Ազատի, ընդունեք իմ ջերմ շնորհավորանքները Ձեր ծննդյան օրվա կապակցությամբ: Մաղթում եմ Ձեզ ամուր առողջություն ու Ձեր պետական գործունեության մեջ հետագա հաջողություններ, իսկ հայ ժողովրդին` խաղաղություն, բարգավաճում եւ ամենայն բարիք»,- ասված է Յանուկովիչի ուղերձում:
Միաժամանակ Ուրաինայի նախագահն ընդգծում է հայ-ուկրաինական հարաբերությունների ընդլայնման դրական դինամիկան տարբեր ոլորտներում, ավանդական բարեկամական հարաբերությունների ամրապդումը:
«Ես այս ամենում տեսնում եմ Ձեր անձնական ներդրումը: Արժեւորում եմ մեր անձնական ընկերական կապերը, որոնք նույնպես նպաստում են երկու երկրների միջեւ հարաբերությունների զարգացմանը»,- նշված է ուղերձում:
Հուլիսի 1-ին ՀՀ Նախագահն աշխատանքային այցով կմեկնի Ուկրաինա: