2 րոպեի ընթերցում
ԵՐԵՎԱՆ, 26 ՀՈՒՆԻՍԻ, ԱՐՄԵՆՊՐԵՍ: Հայաստանի ֆուտբոլի ազգային հավաքականի կիսապաշտպան Հենրիկ Մխիթարյանը «Շախտյոր»-ի հերթական ստուգողական հանդիպումից հետո հարցազրույց է տվել ակումբի պաշտոնական կայքին: «Արմենպրես»-ը ներկայացնում է հարցազրույցն ամբողջությամբ.
- Հենրիկ,հանդիպման արդեն երկրորդ րոպեին գոլի հեղինակ դարձաք: Պատճառը անցած խաղում ունեցած անհաջողությունն էր, թե առաջադրանք էիք ստացել արագ գոլ խփել:
- Մրցակիցը այդ պահին սխալվեց, և Իլսինյոն օգտվեց այդ հնարավորությունից: Արագ գոլ խփելը, սակայն,միշտ էլ հաճելի է, դա վստահություն է տալիս, թեթևացնում է խնդրի լուծումը: Մենք դեմ չենք լինի, եթե մնացած խաղերում էլ այսպես արդյունք գրանցվի:
- Կկարողանաս առանձնացնել անցած ստուգողական խաղերից որևէ մեկը:
- Բոլոր ստուգողական հանդիպումներն էլ հետաքրքիր էին: Մենք արդեն խաղացել ենք «Թերեք»-ի, «Ռուբին»-ի, «Տորպեդո»-ի հետ, և բոլորն էլ հետաքրքիր են եղել:
- Իսկ ինչո՞վ էր տարբերվում այսօրվա մրցակիցը նախորդներից:
- «Տորպեդոն» լավ խաղում էր եւ գնդակ պահում, կարողանում էր արագ հակագրոհների անցնել: Վրացիները գոլ խփելու հնարավորույթուններ ունեին, սակայն մենք ուժեղ էինք և արժանի հաղթանակ տարանք:
- Հասցրել է արդեն Միստերը որոշելհանդիպաման լավագույն ֆուտբոլիստին:
- Չգիտեմ, տեղյակ չեմ (ժպտում է): Ձեզ ինչ-որ բան ասել է: Եթե թիմը հաղթում է, ուրեմն նա է լավագույնը:
- Խոստովանիր, արդեն կարոտել ես պաշտոնական հանդիպումները:
- Առաջնությունը կսկսվի վաղ, թե ուշ: Եվ մենք ցանկություն ունենեք արդեն խաղալու, ուրախ կլինենք երկրպագուներին մարզադաշտում տեսնելու համար: Ամեն ինչ կանենք նրանց ուրախացնելու մեր խաղով ու հաղթանակներով:
- Վաղը Դոնեցկում տեղի է ունենալու Եվրոպայի առաջնության կիսաեզրափակիչը: Դու երկրպագելու ես Պորտուգալիային, թե Իսպանիային:
- Ուժեղագույնին (ժպտում է): Ինձ արդեն հարցրել են, սակայն ես ֆավորիտներ չունեմ: Հաղթելու է այն թիմը, որն ավելի լավ պատրաստված կլինի, ինչպես հոգեպես, այնպես էլ ֆիզիկապես, նաև կանի ամեն ինչ հաղթելու համար: