Իրաքում շարունակվում են ահաբեկչական գործողությունները

ԷԼ ՔՈՒՎԵՅԹ, 5 ՆՈՅԵՄԲԵՐԻ, ԱՐՄԵՆՊՐԵՍ: Երեք իրաքցիներ են զոհվել եւ 13-ը վիրավորվել կիրակի օրը Թիկրիտ քաղաքում ականապատված ավտոմեքենայի պայթեցման հետեւանքով: Ինչպես հաղորդել են ոստիկանական աղբյուրները, ավտոմեքենան կայանված է եղել կենտրոնական փոստատան մոտ: Պայթյունի ալիքից վնասվել են ութ ավտոմեքենա եւ մի քանի խանութ: Ականապատված ավտոմեքենայի կիրառմամբ եւս մեկ ահաբեկություն կատարվել է Թիկրիտից ոչ հեռու գտնվող Սամարա քաղաքում, որը կիրակի օրը չորս խաղաղ իրաքցիների կյանք է խլել, վիրավորվել է 14 մարդ: Տուժածներից չորսը ոստիկաններ են: