368.45
Բաղըշը Շվեյցարիա չի գնա
1 րոպեի ընթերցում
ԱՆԿԱՐԱ, 14 ՓԵՏՐՎԱՐԻ, ԱՐՄԵՆՊՐԵՍ: Շվեյցարիայում Հայոց ցեղասպանությունը ժխտելու համար իր դեմ հետաքննություն սկսվելու կապակցությամբ Թուրքիայի` Եվրամիության հարցերով նախարար Էգեմեն Բաղըշը հայտարարել է, որ եթե Ցյուրիխում իր նկատմամբ դատական գործընթաց սկսվի, ապա ինքը Շվեյցարիա չի գնա:
Ինչպես հաղորդում է «Արմենպրես»-ը` վկայակոչելով «Անատոլու» գործակալությունը, այդ մասին իրեն հարց ուղղած լրագրողներին Բաղըշն ասել է. «Պետք լինի` ես Շվեյցարիա չեմ էլ գնա: Այնտեղի բանկերում փող էլ չունեմ: Թող մտածեն նրանք, ովքեր շվեյցարական բանկերում փողեր ունեն դրված»:
Բաղըշը Շվեյցարիայում հայտարարել էր, թե «Հայոց ցեղասպանություն չի եղել, դե թող գան եւ ինձ բռնեն»: Ցյուրիխի դատախազությունը Հայոց ցեղասպանությունը ժխտելու համար հետաքննություն է սկսել Բաղըշի նկատմամբ:
Բաժանորդագրվեք մեր ալիքին Telegram-ում