1 րոպեի ընթերցում
ԵՐԵՎԱՆ, 9 ՓԵՏՐՎԱՐԻ, ԱՐՄԵՆՊՐԵՍ: Հայաստանի «Հանրապետական», «Օրինաց երկիր» եւ «Ժառանգություն» կուսակցությունները դարձան Եվրոպական ժողովրդական կուսակցության անդամ: Ինչպես Բրյուսելից «Արմենպրես»-ի հետ զրույցում նշեց ԱԺ ՀՀԿ խմբակցության անդամ Արտակ Զաքարյանը, ԵԺԿ-ի ասամբլեայում կայացվեց որոշում եւ քննարկման արդյունքում երեք կուսակցությունները ստացան դիտորդ անդամի կարգավիճակ, որը ոչ Եվրամիության անդամ երկրների համար միակ կարգավիճակն է:
«Սա նշանակում է ամբողջությամբ մասնակցել ԵԺԿ-ի քաղաքական կյանքին, եւ մեծ կարեւորություն ունի Հայաստանի համար: Վստահ եմ, որ այս հնարավորությունը երկրի ապագա քաղաքական կյանքում նոր հնարավորություններ կարձանագրի»,-ասաց Զաքարյանը: Նա նշեց, որ հստակ չի կարող պատասխանել, թե ինչու քննարկման ընթացքում ԲՀԿ կուսակցությունը չանդամագրվեց, քանի որ քննարկումը փակ է եղել: