Սերժ Սարգսյանը հայտարարել է` բանակի ձեռքբերումները Հայաստանը դարձնում են ավելի ամուր
1 րոպեի ընթերցում
![Սերժ Սարգսյանը հայտարարել է` բանակի ձեռքբերումները Հայաստանը դարձնում են ավելի ամուր](http://armenpress.am/resized/480/static/news/b/2012/01/677225.jpg)
ԵՐԵՎԱՆ, 27 ՀՈՒՆՎԱՐԻ, ԱՐՄԵՆՊՐԵՍ: Հայոց բանակի կազմավորման 20-րդ տարեդարձի առթիվ հունվարի 27-ին ՀՀ Նախագահ Սերժ Սարգսյանը պարգևներ եւ զինվորական կոչումներ հանձնեց ծառայության մեջ աչքի ընկած զինվորականներին ու սպաներին: Ինչպես հաղորդում է «Արմենպրես»-ը, Նախագահը նշեց, որ ՀՀ զինված ուժերի ստեղծման հոբելյանի առթիվ հանձնվող պարգևների միջոցով մեր երկիրն ու ժողովուրդն իր վերաբերմունքն է արտահայտում զինվորականության անձնուրաց ծառայության համար:
«Այսօր դուք պարգևատրվում եք ձեր հաջողությունների ու ձեռքբերումների համար, որոնք Հայաստանը դարձնում են ավելի ամուր բոլոր առումներով: Մաղթում եմ ձեզ, հարգելի՛ զինվորականներ, քաջ առողջություն, բարի ծառայություն և Հայոց բանակի մարտունակության անշեղ բարձրացման ուժ ու կորով: Մենք հպարտ ենք ձեզնով ու ձեր զինակից ընկերներով»,- նշեց Սերժ Սարգսյանը: