1 րոպեի ընթերցում
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ: Հայաստանի ազգային հավաքականի եւ ուկրաինական «Շախտյոր»-ի կիսապաշտպան Հենրիկ Մխիթարյանը պատասխանել է հանքափորների պաշտոնական կայքի հարցերին:
Ինչպես հաղորդում է «Արմենպրես»-ը, վկայակաչելով http://shakhtar.com-ը, կիսապաշտպանը նոր է վերադարձել ձմեռային հարձակուրդից:
Լրագրողի այն հարցին, թե ինչպես է Մխիթարյանը անցկացրել հանգստյան օրերը, Հենրիկը ասել է, որ Ամանորը դիմավորել է տանը` հարազատների հետ: Հայաստանի տարվա լավագույն ֆուտբոլիստը նշել է, որ շատ էր կարոտել թիմակիցներին:
«Մենք կանենք հնարավոր ամեն բան, որ գլխավոր մարզչի բացակայությունը չանդրադառնա մեր խաղի վրա: Մենք պետք է հաղթենք բոլոր խաղերում եւ հասնենք մեր նպատակին»,- ասել է Մխիթարյանը:
Կիսապաշտպանը հավաստիացնում է, որ կանեն հնարավորը Դուբայում կայանալիք մրցաշարում հաղթելու համար: