368.42
Թուրք նախարարը պատրաստվում է «վրեժխնդիր» լինել Ֆրանսիայից
1 րոպեի ընթերցում
ԱՆԿԱՐԱ, 22 ԴԵԿՏԵՄԲԵՐԻ, ԱՐՄԵՆՊՐԵՍ: Թուրքիայի կառավարության անդամները սկսել են հակադարձել Ֆրանսիայի ԱԺ-ում Հայոց ցեղասպանության ժխտումը քրեականացնող օրինագծի ընդունման փաստին:
Ինչպես հաղորդում է «Արմենպրես»-ը, վկայակոչելով թուրքական «Հաբեր 10» լրատվական կայքը, օրինագծի ընդունմանն առաջինն անդրադարձել են Թուրքիայի աշխատանքի եւ սոցիալական պաշտպանության նախարար Ֆարուք Չելիքն ու Անտառների եւ ջրային գործերի նախարար Վեյսել Էրօղլուն:
Չելիքը լրագրողներին հայտարարել է, որ «խղճում է» այն մարդկանց, ովքեր «կարծում են, թե կարող են օրենքներով փոխել պատմական ճշմարտությունները»: Էրօղլուն էլ հայտարարել է, թե «պատրաստ են անհրաժեշտ վրեժխնդրությանը` Ֆրանսիայից»:
Բաժանորդագրվեք մեր ալիքին Telegram-ում