368.45
Ռուբեն Հախվերդյան. «Անբովանդակ ու անկիրթ երգերը դուր են գալիս հասարակության անկիրթ հատվածին»
1 րոպեի ընթերցում
ԵՐԵՎԱՆ, 24 ՀՈԿՏԵՄԲԵՐԻ, ԱՐՄԵՆՊՐԵՍ:Ժամանակակից հայկական երգերն անբովանդակ են եւ պատգամ չունեն: Չնայած դրան' հասարակության մի հատվածին այդ երգերը դուր են գալիս: Այսօր լրագրողների հետ հանդիպման ժամանակ նման կարծիք հայտնեց սիրված երգիչ, երգահան Ռուբեն Հախվերդյանը' հավելելով, որ այդ անբովանդակ երգերը դուր են գալիս հասարակության անկիրթ հատվածին, որը,ցավոք, այժմ մեծամասնություն է կազմում:
«Կրթված ու դաստիարակված լինելը հիմնական երաշխիքն է, որ հասարակությունում կկարողանա ստեղծվել նորմալ մշակույթ»,-ասաց Ռուբեն Հախվերդյանը: Ըստ նրա' Հայաստանում կան հարյուրավոր երաժշտագետներ, որոնց ընդհանուր գիտելիքները ոչ մի արժեք չունեն, եւ վերջիններս չեն կարող ոչ վերլուծել երաժշտարվեստը, ոչ էլ իրավունք ունեն քննադատելու այն:
«Մեր մշակույթի զարգացման եւ ամրապնդման համար պետք է ուժեղ լինի հատկապես Հայաստանի մշակույթի նախարարությունը, որն իր ազդեցությունը պետք է տարածի ոչ միայն մշակութային, այլ նաեւ այլ կարեւոր բնագավառներում»,- նշեց Ռուբեն Հախվերդյանը' փաստելով, որ հայ ժողովուրդն այժմ կորցրել է կյանքի,կենցաղի իր մշակութային գիծը' սկսած հարսանյաց արարողություններից, վերջացրած թաղման ծիսակարգով:
Բաժանորդագրվեք մեր ալիքին Telegram-ում