Ա. Իսկանդարյան. «ՀՀ նախագահի ելույթն ամբողջությամբ տեղավորվում է Ադրբեջանի ռազմատենչ հռետորիկային Հայաստանի արձագանքի մեջ»
1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: ՀՀ նախագահի ելույթն ամբողջությամբ տեղավորվում է Ադրբեջանի ռազմատենչ հռետորիկային Հայաստանի արձագանքի մեջ: Այսօր լրագրողների հետ հանդիպման ժամանակ նման տեսակետ հայտնեց քաղաքագետ, Կովկասի ինստիտուտի տնօրեն Ալեքսանդր Իսկանդարյանը' անդրադառնալով ՀՀ նախագահ Սերժ Սարգսյանի' ՄԱԿ-ի Գլխավոր ասամբլեայում ունեցած ելույթին:
Քաղաքագետը շեշտեց, որ հերթական անգամ ապացուցվեց, որ Հայաստանը չի պատրաստվում անարձագանք թողնել Ադրբեջանի ռազմատենչ հռետորաբանությունը:
Անդրադառնալով ՀՀ անկախության 20-ամյակին նվիրված ռազմական շքերթին' Ա. Իսկանդարյանն ընդգծեց, որ այդ շքերթին ռուսական զինվորների մասնակցությունը ցուցադրում է հայ-ռուսական համագործակցության ներկայիս ֆորմատը: «Այլ երկրների մասնակցությունը շքերթներին բնորոշ է նման միջոցառումներին: Օրինակ' տաջկական շքերթին, որ վերջերս տեղի ունեցավ, մասնակցեցին ոչ միայն գործընկեր երկրների, այլեւ այլ երկրների ներկայացուցիչներ, իսկ Ֆրանսիայում ռազմաշքերթներին մասնակցում են բոլոր այն երկրները, որոնք որեւէ կապ ունեն այդ երկրի հետ»,-ասաց քաղաքագետը: