Ա. Շաքարյան. «Ա. Դավութօղլուն ցանկանում է ցույց տալ աշխարհին, թե Թուրքիան փորձում է հայկական սփյուռքի հետ երկխոսության մեջ մտնել»
1 րոպեի ընթերցում
ԵՐԵՎԱՆ, 26 ՀՈՒԼԻՍԻ, ԱՐՄԵՆՊՐԵՍ: Թուրքիայի արտգործնախարար Ահմեդ Դավութօղլուի հայտարարությունը, թե իբր աշխարհով մեկ սփռված հայկական Սփյուռքը նաեւ Թուրքայի սփյուռքն է, հերթական քարոզչական ակցիաներից մեկն էր: «Արմենպրես»-ի հետ զրույցում նման կարծիք հայտնեց թուրքագետ Արտակ Շաքարյանը' ավելացնելով, որ այդ կերպ Դավութօղլուն ցանկանում է ցույց տալ աշխարհին, թե Թուրքիան փորձում է հայկական սփյուռքի հետ երկխոսության մեջ մտնել:
«Թուրքիան վերջին հինգ տարիների ընթացքում սկսել է հայկական սփյուռքին սիրաշահելու գործընթաց, անգամ' փորձում է հանդիպումներ կազմակերպել' տարբեր երկրներում թուրք դեսպանների միջոցով: Հայկական սփյուռքի հետ աշխատանքը Թուրքիայի արտաքին գործերի նախարարության քաղաքականության հիմնարար ուղղություններից մեկն է»,- նշեց Ա.Շաքարյանը' ավելացնելով, որ այս հարցում թուրքական իշխանությունները հաջողությունների չեն կարող հասնել: