368.54
Ա. Ղուկասյան. «ԼՂ-ին եւ Ադրբեջանին վերաբերող հարցերը պետք է քննարկեն հենց այս երկու կողմերը»
1 րոպեի ընթերցում
ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Լեռնային Ղարաբաղի իրավական կարգավիճակի հարցը մարդու իրավունքներին վերաբերող խնդիր է, եւ ԵԱՀԿ պետություններն ունեն կոլեկտիվ պարտավորություն այդ իրավունքները հարգելու առումով: Այսօր լրագրողների հետ հանդիպման ժամանակ նման տեսակետ հայտնեց Ադրբեջանահայ փախստականների համագումարի իրավական խորհրդատու Անդրեաս Ղուկասյանը' ավելացնելով, որ Լեռնային Ղարաբաղի կարգավիճակը կարող է ճանաչվել առանց Ադրբեջանի համաձայնության:
Անդրեաս Ղուկասյանի կարծիքով' խնդրի կարգավորման համար Հայաստանն ու Ադրբեջանը պետք է ուղիղ բանակցություններ վարեն միայն իրենց վերաբերող հարցերը քննարկելու համար, իսկ կոնկրետ Լեռնային Ղարաբաղին եւ Ադրբեջանին վերաբերող հարցերը պետք է քննարկեն հենց այդ երկու կողմերը: Փորձագետի համոզմամբ' Լեռնային Ղարաբաղը պետք է հանդես գա որպես առանձին սուբյեկտ: «Մեր ներկայիս նպատակներից մեկը պետք է լինի' չթողնել, որ Ադրբեջանի ֆաշիստական հանրապետությունը հաստատվի Ադրբեջանի ԽՍՀ տարածքում»,- ասաց Ա.Ղուկասյանը:
Բաժանորդագրվեք մեր ալիքին Telegram-ում