1 րոպեի ընթերցում
ԵՐԵՎԱՆ, 5 ՀՈՒԼԻՍԻ, ԱՐՄԵՆՊՐԵՍ: Հայ ազգային կոնգրեսի ընտրազանգվածը նոսրանում է: Այսօր լրագրողների հետ հանդիպման ժամանակ նման տեսակետ հայտնեց ՀՀԿ փոխնախագահ, Ազգային ժողովի ՀՀԿ խմբակցության ղեկավար Գալուստ Սահակյանը' դրանով հիմնավորելով այն, որ ՀԱԿ-ը կրկին անցել է արմատական բառապաշարի օգտագործմանը:
Ըստ Գ.Սահակյանի' մինչ հերթական ընտրությունները կոնգրեսին ժամանակը չի բավարարի նոր ընտրազանգված հավաքելու համար: Նրա դիտարկմամբ՝ ՀԱԿ-ից հեռանում է ոչ միայն ժողովուրդը, այլեւ ղեկավար կազմի անդամները:
Հարցին, թե կարելի՞ է ասել, որ ՀԱԿ-ը կազմաքանդվում է, Գալուստ Սահակյանը պատասխանեց, որ կոնգրեսը շատ օգտագործեց այդ բառը, եւ հիմա դա տեղի է ունենում հենց իր հետ: