Ս. Սաֆարյան. «Ղարաբաղյան պատերազմի վերսկսման դեպքում Ադրբեջանը շատ մեծ խնդիրների առաջ կկանգնի»
1 րոպեի ընթերցում
ԵՐԵՎԱՆ, 28 ՀՈւՆԻՍԻ, ԱՐՄԵՆՊՐԵՍ: «Չեմ հավատում ղարաբաղյան պատերազմի վերսկսմանը»,- լրագրողների հետ հանդիպման ժամանակ այսօր նշեց ԱԺ «Ժառանգություն» խմբակցության ղեկավար Ստեփան Սաֆարյանը' ընդգծելով, որ պատերազմի վերսկսման դեպքում Ադրբեջանը շատ մեծ խնդիրների առաջ կկանգնի: Նրա համոզմամբ' պատերազմի բացառման ամենակարեւոր գործոններից է տարածաշրջանի եվրոպականացումը եւ միջազգային ազդեցության հարցը: Բանախոսն առանձնացրեց հատկապես Դովիլում պատերազմի վերսկսման մասին արված շատ խիստ զգուշացումը: Նա եւս ընդգծեց, որ Ադրբեջանի ապակառուցողական քաղաքականության հետեւանքով կազանյան հանդիպումը բեկումնային չեղավ: