1 րոպեի ընթերցում
ԵՐԵՎԱՆ, 28 ՀՈՒՆԻՍԻ, ԱՐՄԵՆՊՐԵՍ: Հայաստանի, Ռուսաստանի եւ Ադրբեջանի նախագահների կազանյան հանդիպումը դրական էր Հայաստանի համար: Այսօր լրագրողների հետ հանդիպման ժամանակ նման տեսակետ հայտնեց Հայաստանի Հանրապետության Ազգային ժողովի «Բարգավաճ Հայաստան» խմբակցության պատգամավոր Վարդան Բոստանջյանը' հավելելով, որ Հայաստանը ներկայացավ որպես ժողովրդավարական եւ հանդուրժողական երկիր: «Իսկ ադրբեջանական կողմը կամաց-կամաց հասկանում է, որ պետք է հրաժարվի Լեռնային Ղարաբաղից»,- ընդգծեց պատգամավորը:
Նրա խոսքով' Լեռնային Ղարաբաղի հակամարտությունը կնճռոտ խնդիր է, եւ միջազգային ողջ հանրությունն ակտիվորեն հետեւում է զարգացումներին: «Ուստի' յուրաքանչյուր հանդիպում դրական քայլ է հարցի լուծմանը մոտենալու առումով»,- ասաց Վ. Բոստանջյանը: