Կբարելավվեն Երեւանի թիվ 16 ավագ դպրոցի պայմանները

2 րոպեի ընթերցում

ԵՐԵՎԱՆ, 21 ՓԵՏՐՎԱՐԻ, ԱՐՄԵՆՊՐԵՍ: Հայաստանի Հանրապետության կրթության եւ գիտության նախարարությունում ԿԳ նախարարի ու «Բարեպաշտ սերունդ» հիմնադրամի միջեւ այսօր կնքվեց համագործակցության հուշագիր, որը նպատակ ունի ժամանակակից ուսուցման մեթոդների ներդրման միջոցով նպաստել Երեւանի Ավ. Իսահակյանի անվան թիվ 16 ավագ դպրոցում կրթության որակի բարձրացմանը եւ ուսուցիչների հմտությունների զարգացմանը:

ՀՀ ԿԳ նախարար Արմեն Աշոտյանի խոսքով` հուշագրի նպատակն է` հասարակական կառույցներին ներգրավել կրթության ոլորտի աջակցման ծրագրերում: Նախարարը նշեց, որ պետությունը, կատարելով իր սահմանադրական պարտավորությունները, հրավիրում է համագործակցության այս ոլորտում պատասխանատվություն ունեցող գործարար կառույցներին:

Ա. Աշոտյանի համոզմամբ` ավագ դպրոցները ռազմավարական կարեւորություն ունեն: Թիվ 16 ավագ դպրոցի ընտրությունն աջակցության համար նախարարը բացատրեց այդ դպրոցի ծանր շենքային եւ գույքային վիճակով: «Մեր առջեւ խնդիր է դրված` օգնել ամենակարիքավոր հաստատություններին: Իսկ մեր աշխատանքի արդյունքն առավել ակնհայտ կլինի, երբ այս դպրոցի գույքային պայմանները կբարելավվեն»,-նշեց նախարարը: «Բարեպաշտ սերունդ» հիմնադրամի հոգաբարձուների խորհրդի նախագահ Բարսեղ Բեգլարյանը նշեց, որ, լինելով Հայաստանի խոշոր գործարարներից մեկը, առաջինն արձագանքեց օրեր առաջ Ազգային ժողովում ԿԳ նախարարի հնչեցրած կոչին:

«Կադրային առումով մեր ունեցած բացը գալիս է հանրակրթության ոլորտում եղած բացից: Կոչ եմ անում բոլոր գործարարներին միանալ այս քայլին: Թող այս օրինակը վարակիչ լինի»,- նշեց Բ. Բեգլարյանը` տեղեկացնելով, որ հուշագիրն անժամկետ է: Ի դեպ, Արմեն Աշոտյանը տեղեկացրեց, որ հիմնադրամի օրինակին հետեւողներ արդեն իսկ կան: Կրթության ոլորտում ԿԳ նախարարության աշխատանքին աջակցելու պատրաստակամություն է հայտնել Հայաստանի խոշոր բուհերից մեկը` Երեւանի ճարտարապետության եւ շինարարության պետական համալսարանը:

Հայերեն

Վահան Կոստանյանը հանդիպել է Պաղեստինի արտաքին գործերի և սփյուռքի նախարարի հետ

Լևոն Աբրահամյանը՝ Հայաստանի նկարիչների միության նոր նախագահ

Իրանի դեմ վերջերս տեղի ունեցած երկու պատերազմների ընթացքում զոհվել է առնվազն 428 երեխա և դեռահաս

Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ

ԻՀՊԿ-ն հայտնել է Հորմուզի նեղուցի մոտակայքում 58-րդ ամերիկյան MQ-9 ԱԹՍ-ը խոցելու մասին

Հայաստանում կստեղծվի կիբեռանվտանգության կամպուս. ծրագիրը կիրականացվի Ֆրանսիայի և ԵՄ-ի աջակցությամբ

Կայացավ ՀՆՄ 21-րդ համագումարը

Հրդեհ Եղվարդ քաղաքում. հրշեջ-փրկարարները կանխել են հրդեհի տարածումը դեպի հարակից բնակելի տուն

Հունաստանի ամենահեղինակավոր Ակրոպոլիսի թանգարանում բացվել է հին Հայաստանին նվիրված բացառիկ ցուցահանդես

«Վայլդբերրիզ» ՍՊԸ-ի գլխավոր տնօրենի փոփոխությունը չի ազդում ընկերության գործառնական գործունեության վրա