398.88
Մ. Բրայզայի կինը «Ադրբեջանին վերաբերվում է որպես իր երկրորդ հայրենիքի»
1 րոպեի ընթերցում
ԲԱՔՈՒ, 18 ՓԵՏՐՎԱՐԻ, ԱՐՄԵՆՊՐԵՍ: Երեկ Ադրբեջանում ԱՄՆ նորանշանակ դեսպան Մեթյու Բրայզան Բաքվում հանդիպել է լրագրողների հետ եւ հանդիպման ժամանակ ներկայացրել է իր` ազգությամբ թուրք կնոջը` Զեյնո Բարանին: Ինչպես հաղորդում է «Արմենպրես»-ը` վկայակոչելով «Վեստի.ազ»-ը, պատասխանելով լրագրողների հարցերին, Մ.Բրայզայի կինը նշել է, որ ակտիվ մասնակցություն կունենա ամուսնու հասարակական գործունեությանը:
Ավելին, նա «Ադրբեջանին վերաբերվում է որպես իր երկրորդ հայրենիքի»: «Մեր երկրները շատ բանով նման են` լեզուն, մշակույթը, խոհանոցը: Ես այստեղ ինձ օտար չեմ զգում», - ասել է Զ.Բարանը: Նա նշել է, որ հանդիսանում է Ստամբուլի համալսարաններից մեկի` միջազգային հարաբերությունների գծով փորձագետը, իսլամական երկրների քաղաքականության վերաբերյալ երկու գրքերի հեղինակ է եւ այժմ աշխատում է երրորդ գրքի վրա:
Բաժանորդագրվեք մեր ալիքին Telegram-ում