Հունգարիայում ապրում Է 10-15 հազար հայ

2 րոպեի ընթերցում

ԵՐԵՎԱՆ, 18 ՆՈՅԵՄԲԵՐԻ, ԱՐՄԵՆՊՐԵՍ: ՀՀ սփյուռքի նախարարի տեղակալ Ստեփան Պետրոսյանն այսօր ընդունել է Հունգարիայի խորհրդարանի Ազգային եւ էթնիկական փոքրամասնությունների ֆորումի հայ ինքանավարության նախագահ, Հունագրիայի հայկական «Սփյուռք» միության նախագահ Ադամ Սարգսյանին: Ինչպես «Արմենպրես»-ին տեղեկացրին ՀՀ սփյուռքի նախարարության մամուլի եւ հասարակայնության հետ կապերի վարչությունից, ողջունելով Ադամ Սարգսյանին` նախարարի տեղակալը բարձր է գնահատել հունգարահայ համայնքի` Հայաստանի եւ Արցախի հետ կապերը սերտացնելու ջանքերը:

Հայերը Հունգարիայում բնակություն են հատատել դեռեւս 10-11-րդ դարերում: Ներկայումս եվրոպական այդ երկրում ապրում է շուրջ 10.000-15,000 հայ, որոնց մեծ մասը կազմում են Տրանսիլվանիայից տեղափոխված հունգարահայերը: Փոքրաթիվ հայկական համայնքներ կան Դեբրեցեն, Շոպրոն, Սեգեդ, Սեկեշֆեհերվար եւ Վեսպրեմ քաղաքներում: Ստեփան Պետրոսյանը ողջունել է Բուդապեշտում գործող 3 կիրակնօրյա դպրոցների, մշակութային կենտրոնի եւ հասարակական միությունների հայապահպան գործունեությունը, ինչպես նաեւ ՀՀ սփյուռքի նախարարության կողմից իրականացվող ծրագրերին ներգրավվելու համայնքի ջանքերը:

Երկուստեք կարեւորվել է հունգարահայ համայնքի ինքնակազմակերպման անհրաժեշտությունը: Համաձայնություն է ձեռք բերվել Ֆրանսիայի հայ համայնքի օրինակով Հունգարիայում եւս ստեղծել հայկական կազմակերպությունները համակարգող խորհուրդ: Շնորհակալություն հայտնելով ջերմ ընդունելության համար` Ադամ Սարգսյանը նշել է, որ այս տարվա սեպտեմբերին Հայաստանի անկախության տարեդարձին նվիրված «Մալխաս» ակումբի համերգային շրջագայությունը հայկական ոգու զարթոնքի մեծ խթան էր հունգարահայության համար: Ա. Սարգսյանն իր երախտագիտության խոսքն է հայտնել ՀՀ սփյուռքի նախարարությանը` բացառիկ համերգը կազմակերպելու ջանքերի համար:

Հայերեն

Digitec-ը դարձել է Հայաստանի տեխնոլոգիական ապագայի մասին խոսելու կարևոր հարթակ․ Դավիթ Թադևոսյան

Մեզ պետական պարտքը կրկնապատկելու մեջ մեղադրում են նրանք, որոնց իշխանության ժամանակ այն աճել է 6.6 ու 5.8 անգամ. Փաշինյան

ՀՀ վարչապետ Փաշինյանի ելույթը ԱԺ-ում

Արայիկ Հարությունյանը սպորտային բժշկության և հոգեբանության զարգացման անհրաժեշտություն է տեսնում

Փաշինյանն ԱԺ ամբիոնից կրկնել է Սահմանադրության հանրաքվեի վերաբերյալ ընդդիմությանն ուղղված առաջարկը

Տուսկը Լեհաստանի օդային տարածքի խախտման կապակցությամբ նիստ է հրավիրել

ՍոֆթԿոնստրակտն ու Հայաստանի ֆրանսիական համալսարանը նոր հուշագիր են ստորագրել

Իտալական խոհանոցի շաբաթը մեկնարկեց Երեմյան Ակադեմիայում. հայ-իտալական խոհարարական դիվանագիտության 5-րդ տարին

Հայաստանում հիմնվում է ռոբոտաշինության և ֆիզիկական արհեստական բանականության կենտրոն. ARCS-ai-ի նոր նախաձեռնությունը

Կասեցվել է «ՎԱՐԳԱ-ՖՈՒԴ»-ի պահածոների արտադրամասի գազի կաթսաների շահագործումը