Թբիլիսիի ներկայացուցիչը դասագրքեր է փոխանցել Ադրբեջանի վրացական դպրոցներին

ԲԱՔՈՒ, 29 ՀՈՒՆԻՍԻ. ԱՐՄԵՆՊՐԵՍ: Վրաստանի կրթության նախարար Ալեքսանդր Լոմայան վրացերեն լեզվով դասագրքեր է փոխանցել Ադրբեջանի վրացական դպրոցներին: Բաքվում Վրաստանի դեսպանատանը «Ինտերýաքսե գործակալությանը հաղորդել են, որ Լոմայան այդ նպատակով ադրբեջանցի իր պաշտոնակից Միսիր Մորդանովի հետ անցած շաբաթ օրը այցելել է Ադրբեջանի Բալաքենդի, Զաքաթալայի /Ադրբեջանի հյուսիսարեւմտյան շրջաններ/ եւ Ղազախի շրջաններ /Բաքվից 420 կմ դեպի արեւմուտք/, որտեղ բնակվում են մեծ թվով վրացիներ: Ընդհանուր առմամբ, այդ շրջանների 12 վրացական դպրոցների համար նախարարն ուղարկել է 15 հազար տարաբնույթ դասագիրք: Վրաստանի դեսպանատանը հաղորդել են, որ սեպտեմբեր ամսին համանման առաքելությամբ Վրաստանի` ադրբեջանցիներով խիտ բնակեցված շրջաններ կայցելի Ադրբեջանի կրթության նախարարը: