Վրաց-օսական հակամարտության կարգավորման Խառը հսկիչ-հանձնաժողովի նիստը կգումարվի առանց օրակարգի

ԹԲԻԼԻՍԻ, 29 ՀՈՒՆԻՍԻ. ԱՐՄԵՆՊՐԵՍ: Չորեքշաբթի օրը Մոսկվայում կբացվի վրաց- օսական հակամարտության կարգավորման Խառը հսկիչ-հանձնաժողովի երկօրյա նիստը: Ինչպես ՌԻԱ «Նովոստիինե հայտարարել է վրացական պատվիրակության ղեկավար, հակամարտությունների կարգավորման հարցերով պետնախարար Գեորգի Խաինդարավան, «հանձնաժողովի նիստի աշխատանքի կոնկրետ օրակարգ գոյություն չունիե: «Կողմերը կքննարկեն բոլոր այն հարցերը, որոնք վերջին ամսվա ընթացքում ծագել են Ցխինվալի տարածաշրջանում: Վրացական կողմը կտրականապես պահանջում է ստեղծել Ռոքի թունելում վրաց-ռուսաստանյան համատեղ հսկիչ-անցակետե,-ասել է Խաինդրավան: Վրացական պատվիրակության մյուս պահանջների թվում են վրաց-օսական հակամարտության գոտու ռուսաստանյան խաղաղապահ ուժերի հրամանատար Սվյատոսլավ Նաբձորովին ետ կանչելը, խաղաղապահ ուժերի մանդատի փոփոխումը, Ցխինվալի իշխանությունների կողմից ավտոմոբիլային ճանապարհների շրջափակման վերացումը: